Indi: Pranoi rryshfet, dënohet me burg mjeku

Një gjykatë indiane dënoi me burg një mjek 75-vjeçar, pasi kishte pranuar si ryshfet shumën prej gjysmë dollari, pothuaj një çerek shekulli më parë, njoftuan sot zyrtarët. Policia Federale e Indisë e kapi Balgovind Prasadin duke marrë një ryshfet prej 25 rupish (51 cent) nga një fshesaxhi në vitin 1985, pasi i kishte dhënë një vërtetim mjekësor të rremë, tha policia. Çështja u zvarrit për vite të tëra dhe Prasad u dënua në vitin 1992 me një vit burg. Ai u lirua pasi e apeloi vendimin. Dje, një gjykatë më e lartë në shtetin lindor indian të Biharit, e uli dënimin nga një vit burg në tre muaj, duke u shprehur se shuma e ryshfetit ishte shumë e vogël, dhe e urdhëroi policinë ta mbante Prasadin në burg. Drejtësia indiane punon shpesh me ritme shumë të ngadalta dhe një çështje mund të zvarritet për dekada të tëra me seanca pa fund.