Çmimi i madh i letërsisë për Kadarenë

Titulli: Çmimi i madh i letërsisë për Kadarenë 9/2/2009, 01:39

Çmimi i madh i letërsisë për Kadarenë

Çmimet e përvitshme të letërsisë që tashmë kanë ndërruar emër nga “Penda e artë dhe e argjendtë” duke u bërë „Çmimet kombëtare të letërsisë”, janë shpallur dje në një ceremoni në Ministrinë e Kulturës në Tiranë.
Juria e kryesuar nga Mark Marku vleresoi me “Çmimin e madh te letërsisë”, që akordohej për herë të parë, çmim i cili iu dha shkrimtarit Ismail Kadare për veprën “Darka e Gabuar”.
“Faleminderit! Jurisë, juve dhe lexuesit shqiptar i cili kam përshtypjen se po kthehet në atë shijen e tij të mirë që ka pasur prej vitesh” u shpreh Kadare.
Kryetari i jurisë, Marku, vlerësoi prurjet e vitit 2008 sidomos ne proze dhe poezi, ndërkohë që dy çmimet qe i perkasin letersise per femije dhe tregimit nuk jane akorduar fare per shkak te perfaqesimit te dobet. “Si romani, edhe poezia, duket se tashmë janë shkëputur si nga realizmi socialist, ashtu dhe nga eksperimentimi imitues në kërkim të modernitetit duke hyrë kështu në një fazë pjekurie. Por edhe pse e vlerësoj solemnitetin ceremonial nuk mund të fshihet ajo që u vu re gjatë këtij procesi në disa gjini si letërsia për fëmijë dhe tregimi, gjini ku vihet re njëfarë rëndomësie dhe mesatarizëm gati retograd” tha Marku.
“Çmimi Gjergj Fishta” e fitoi Artan Fuga me vepren “Briret e dhise” per ndikimin qe ka patur kjo ese në mënyrë të veçantë në mendimin kombëtar shqiptar.
“Çmimi Faik Konica” per kritiken letrare e fitoi Jorgo Bulo me “Veprën e plotë të Çajupit”.
Ndërsa "Çmimin Fan Noli” i cili i kushtohet perkthimit eshte ndare mes mesuesit dhe nxenesit Pashk Gjeci dhe Shpetim Cucka, qe te dy kane sjelle ne shqip ne kohe te ndryshme nje nga veprat me te rendesishme te letersise boterore e pikerisht “Faustin” e Getes.
Ndersa “Çmimi Petro Marko” iu dha shkrimtarit nga Kosova Mehmet Kraja me vepren “Selvitë e Tivarit”.
“Çmimi Lasgush Poradeci” e fitoi Prec Zogaj me motivimin që përgjatë një viti, me veprën e tij poetike “Gjalle une pashe” ka përcjellë te lexuesi risi dhe vlera të reja në poezinë shqipe.
Çmimi “Migjeni” qe i jepet nje autori debutues, u fitua nga Albana Shala me veprën “Papa Dixhital”.
Çmimin “Jusuf Vrioni” e fitoi John Hodgson per promovimin e vlerave te letersise shqipe ne gjuhen angleze.