OLPC XO me kod të hapur

OLPC (One Laptop Per Child) ka për qëllim që bashkësisë së burimit të hapur t’i ofrojë edhe dizajnin e harduerit, në mënyrë që më lehtë të luftojë me konkurrentët komercialë.


Nicholas Negroponte, shef i projektit, ka paralajmëruar në konferencën TED 2009 një kthesë të vogël në politikën e projektit. Sipas tij, kompjuterët XO po i kopjojnë të gjithë, respektivisht vetëm pas paraqitjes së këtij modeli ka nisur paraqitja masive e modeleve dhe popullarizimi i kompjuterëve netbook me dizajn të thjeshtë dhe çmime të ulëta.

Për këtë shkak dhe për presionin e shtuar nga sektori komercial, Negroponte ka për qëllim “të hapë” harduerin e OLPC XO-së, respektivisht të vendosë tërë dizajnin nën licencën e burimit të hapur (open source). Ky hap brenda tri vitesh do të sigurojë prodhimin e 5 deri në 6 milionë pajisjeve të ngjashme çdo muaj. Këto prognoza janë bukur optimiste për afarizëm nëse marrim parasysh rrjedhën e deritanishme të projektit OLPC.

Pas çmimit të paralajmëruar fillestar prej 100 dollarësh amerikanë, ai për një kohë të gjatë ka qenë më i afërm me 200 dollarë, e deri më tani ka vetëm gjysmë milioni kompjuterë të tillë në përdorim. Para një muaji Negroponte ka njoftuar për largimin nga puna të 50 për qind të punëtorëve dhe zvogëlimin e pagesave të punësuarve si dhe hapjen e sistemit operativ Sugar për bashkësinë e burimit të hapur.