Shkencëtarët zbulojnë hundën artificiale

Titulli: Shkencëtarët zbulojnë hundën artificiale 13/2/2009, 19:19

Shkencëtarët zbulojnë hundën artificiale

Shkencëtarët amerikanë kanë bërë një hap përpara kah prodhimi i sensorit që do të jetë në gjendje ta kryejë funksionin e hundës njerëzore.
Kërkuesit shkencorë amerikanë, në revistën profesionale “Proceedings of the National Academy of Sciences”, kanë publikuar se ia kanë dalë ta përvetësojnë njërën nga pengesat më të mëdha – prodhimin masiv të proteinave të quajtura receptorët olfaktorë, të cilët te një njeri i shëndoshë janë rreth 100 milionë. Shkencëtarët shpresojnë se teknologjia e re do të mundësojë edhe zbulimin diagnostik të aromave specifike që hasen te kanceri i mushkërive, lëkurës dhe fshikës urinare.
Përdorimet e tjera të mundshme janë zbulimi i përqendrimeve të vogla të ndotjeve në ambient dhe testimi i kualitetit të ushqimit.
Përparim i madh është arritur me tretësirën e cila mundëson mbrojtjen e receptorëve olfaktorë gjatë procesit të prodhimit, gjë që mundëson ruajtjen e aftësisë së proteinave që të lidhen me molekulat e aromës që duhet të detektohet.

» Rrezet infra te kuqe zbulojne mendimet
» Shkencetaret zbulojne planetin me te ngjashem me Token