Italia tashmë do të përgjojë edhe Skypen

Italia, një nga vendet që shpenzon më shumë në BE, për përgjimet telefonike, tashmë kërkon të bëjë të njëjtën gjë edhe për Skajp-in. Ministri i Brendshëm, Roberto Maroni, po kërkon zgjidhje teknologjike, por edhe ligjore, në mënyrë që personat nën hetim të mund të përgjohen edhe kur komunikojnë në internet, përmes softuerit Skajp. Sipas një komunikate të ministrisë së Brendshme, tashmë është formuar një grup pune, i përbërë nga Departamenti i Sigurisë Publike, Policia e Shtetit, Karabineria, Policia Financiare dhe Këshilli Kombëtar për Kërkime.