Surpriza e Rezarta Shkurtës për Vitin e Ri

Ditëve të fundit këngëtarja Rezarta Shkurta ndodhet në Prishtinë për të realizuar një sërë projektesh. Kosova e ka mirëpritur për të bërë xhirimet për programet muzikore të Vitit të Ri, për të realizuar një projekt me disa këngëtarë Kosovarë si dhe për një projekt tjetër për të cilin tregohet mjaft e rezervuar duke dashur të mbetet surprizë.
Ajo është shprehur se bashkë me Genta Ismajlin, Jehona Sopin, Tunën dhe Ermal Fejzullahun po realizojnë një kolazh me produksion muzikor nga “DEA”. Rezarta është shprehur se po kalon ditë të bukura në Kosovë ku çdo ditë e më shumë po lidh miqësi të reja. Gjatë qëndrimit në këtë vend ajo ka qenë e ftuar në emisione të ndryshme ndërsa ka folur për projektet e saj dhe pjesëmarrjen në festivalin “Kënga Magjike”. Në këtë konkurs muzikor këngëtarja simpatike paraqitet më këngën “Jo natën” me muzië dhe orkestrim të Genti Lakos dhe me tekst të shkruar nga Arben Duka.