Thashetheme VIP

Krishtlindjet në shtëpinë Burton
Regjisori Tim Burton adhuron të jetë pjesë e një atmosfere ‘të përgjakshme’madje edhe gjatë festave të fund vitit, siç deklaron partnerja Helena Bohnam Carter tek revista ‘Star’, ai preferon një ambient të frikshëm. «Tim dekoron pemën e Krishtlindjeve me kukulla makabër si dhe dekorime të tjera të errëta. Nga larg, pema duket e këndshme, por kur i afrohesh kupton se është me të vërtetë një ankth». Në lidhje me shtëpinë e saj, aktorja e ka përcaktuar atë: «Shtëpia më duket si ajo e Beatrix Potter».
Ende krizë mes Vanessa dhe Zac?
Sipas disa personave, Vanessa Hudgens nuk mund të qëndroj dot më me të fejuarin e saj Zac Efron. Në revistën ‘Star’ një person i afërt ka treguar diçka rreth jetës së çiftit: «Vanessa është e lodhur tashmë nga sjelljet e tij, dëshiron të shoqërohet me një mashkull dhe jo me një fëmijë». I shkreti Zac, edhe pse më parë ka falur tradhtinë, tani mbi të bien të tjera paragjykime.

Pamela Anderson femra më seksi e televizionit
Pamela Anderson është klasifikuar si femra më seksi e televizionit nga një sondazh i realizuar nga një sajt interneti. Biondja e serialit ‘Baywatch’ është renditur në vend të parë të klasifikimeve me Charlie’s Angel. Në vend të dytë është renditur Lynda Carter, gruaja e parë Wonder Woman, dhe në vendet e tjera Heather Locklear dhe Eva Longoria.

Britney Spears akuzohet për vjedhje
Gjatë festës së organizuar për ditëlindjen e saj javën që kaloi, Britney Spears duket se ka vjedhur katër pallto të stilistes Katja Berglund, të cilat arrinin vlerën e 28.000 dollarëve. Këngëtarja më pas këto veshje ia ka dhuruar mikeshave të saj, në shenjë falënderimi për pjesëmarrjen në festën e saj.

Victoria Beckham: Unë di të këndoj
Edhe personat më pak të interesuar mund të kenë pyetur se çfarë donte Victoria Beckham tek grupi ‘Spice Girls’? Disa javë para interpretimit të tyre në skenë, kjo pyetje përsëritej shpesh: po Posh Spice di të këndoj apo jo? «Nuk mund të jem Mariah Carey, por di të këndoj. Që në fillim isha e bindur se nuk do të isha këngëtarja, balerina, apo aktorja më e mirë», ka treguar Posh Spice tek një revistë amerikane. Në lidhje me pyetjen përse ka pranuar bashkimin me grupin Spice, është përgjigjur: «Dëshiroja që fëmijët e mi të shihnin se nëna e tyre ishte një popstar».

Eva Mendes nudo për ‘Peta’
Eva Mendes është kumbaria e re e ‘Peta’, shoqata që lufton për mbrojtjen e të drejtave të kafshëve. Manifestim i parë, që e shfaq aktoren tërësisht nudo, do të shfaqet në NewYork. Në lidhje me suksesin e shoqërisë publicitare, autoritetet njujorkeze i kanë kërkuar ‘Peta’ të mos tregojnë me saktësi orarin e manifestimit sepse kanë frikë se bukuroshja Eva mund të bllokojë trafikun.

Edhe Cindy Crawford me celulit
Edhe pse në moshën 41 vjeçare është tepër e bukur dhe duket si një Dea e vërtetë. Cindy Crawford ndër të tjera është edhe tepër humane. ‘Daily Mail’ shfaq një foto të modeles së famshme me bikini, por linjat e trupit të saj lënë për të dëshiruar, celuliti është gjëja e parë që të bie në sy. Një imazh i papritur në trupin e një prej modeleve më të famshme në historinë e modës, e cila kur i buzëqesh aparateve fotografike duket sikur nuk do të plaket kurrë. Cindy shfaqet në shkumën e dallgëve të Havai si të ishte një Perëndeshë, por një vështrim i hollësishëm tregon realitetin, i cili ka shpjegimin e vet: modelja amerikane, aktualisht e shoqëruar me Rande Gerber, ka sjellë në jetë dy fëmijët Presley, tetë vjeç dhe Kaia gjashtë. Asgjë e jashtëzakonshme, por kur mendon se para disa vitesh trupi i saj ka qenë aq perfekt, saqë revista Playboy e kishte vendosur në listën e 100 femrave më seksi të shekullit të XX.

William dhe Harry të ftuarit e Spice
Në prapaskenën e koncertit të Spice Girls në Vancouver, Mel C kishte deklaruar se midis të ftuarve special të koncertit që do të zhvillonin në Londër do të ishin princat William e Harry. Princat fansa të mëdhenj të grupit Spice, kanë pranuar ftesën e grupit femëror dhe do të jenë pjesë e koncertit ku do të prezantohen si të ftuar nderi.

Realiteti i Heidi Klum
Heidi Klum ka prezantuar ‘reality show’ e modës, Project Runaway-Taglia. Dymbëdhjetë stilistë jetojnë së bashku për tre javë në New York dhe duhet të punojnë për krijimin e disa modeleve. Midis jurisë që do të vlerësojnë punën e tyre në botën e modës, stilistja Michael Kors, drejtoresha e revistës ‘Elle America’, Nina Garcia, është një pjesëtare e tretë e jurisë. Çmimi? Të marrësh pjesë në javën e modës në Neë York, 100 mijë dollarë dhe një shërim special nga Elle.

Paris dhe Lindsay ‘luftojnë’ për Stavros
Herët a vonë kjo gjë pritej të ndodhte: Paris Hilton ka zbuluar se ish i dashuri i saj Stavros Niarchos po del me Lindsay Lohan. Trashëgimtarja e bukur, ka nisur kërkimet e saj për rivalen. Në fakt, në të kaluarën, Stravos i ka pëlqyer të dyja, por sipas një personi anonim që Niarchos preferon të krijoj një histori të vërtetë dashurie me Lohan. «Stravos grindje shpesh me Paris. Madje një herë ka arritur deri në atë pikë saqë është larguar nga mbrëmja në të cilën ndodhej Paris, për të shkuar tek Lindsay». Me të vërtetë një histori që krijon tepër telashe.