Bekcham ua mëson zanatin e futbollit, fëmijëve të Snoop Dogg

Futbollisti i famshëm anglez, David Beckham, tashmë ka filluar të luajë rolin e trajnerit. Gjatë një takimi me këngëtarin e famshëm, Snoop Dogg, dhe familjen e tij, ai ua ka mësuar fëmijëve të raperit disa mashtrime me top.
Siç bën të ditur Daily Mail, Bekcham ka stërvitur djemtë e Snoopit, Corde (13), Cordell (10) dhe të bijën e tij, Cori (8), në shtëpinë e tyre në Los Angeles.

“Snoop Doggut i pëlqen të bisedojë me fytyrat e famshme që njeh. Ai ka qenë shumë i gëzuar që ka pasur rastin të qëndrojë me Davidin dhe është një tifoz i madh i futbollit. Fëmijëve u ka pëlqyer shumë që kanë takuar heroin e tyre”, ka thënë një burim i afërt me ngjarjen.

Seanca e trajnimit të Beckhamit do të jepet edhe në shoun televiziv të raperit Snoop Dogg në Entertainment Television.