Brad dhe Angelina, çifti i vitit

Brad Pitt dhe Angelina Jolie janë shpallur çifti i vitit nga lexuesit e revistës amerikane, US Weekly. Në garë të ngushtë ka qenë edhe çifti tjetër i famshëm, Tom Cruise e Katie Holmes, por kanë mbetur prapa tyre.
“I doni apo i urreni, Brad dhe Angelina janë çifti me i nxehte në Hollywood. Edhe pse Jolie ia ka vjedhur burrin, Jennifer Aniston-it, çifti ka arritur të krijojë një familje të madhe dhe është më se e dukshme se çmenden pas njëri-tjetrit. Që të dy janë humanistë dhe, përveç gjithë kësaj, ata kanë edhe një karrierë të suksesshme”, kështu ka komentuar një nga lexuesit e revistës, US Weekly.
Kohë më parë, Brad Pitt ka deklaruar se, nuk do të dëshironte të kishte fëmijë me askënd tjetër, përveç se me Angelinën. Këtë e ka dëshmuar edhe me fjalë: “ Mendoj se Angelina është dhurata më e madhe të cilën mund t’ua jap fëmijëve të mi. Ata kanë një nënën fantastike”.
Kurse Angelina ka thënë se Brad është shumë i natyrshëm kur luan me fëmijët. “Sytë e tij përherë shkëlqejnë kur prek Madin apo Paxin, të cilët bërtasin nga gëzimi. Do të mund të kaloja orë të tëra duke e shikuar sesi luan me fëmijët, por gjithnjë jam e zënë më punë tjera që lidhen po me fëmijët”.