Spearse, e "sëmurë" për gjyq e shëndoshë për aheng

Këngëtarja problematike, Britney Spears, është parë në një hotel, në Los Angeles, vetëm disa orë pasi kishte deklaruar se është shumë e sëmurë për t’u paraqitur në gjykatë.
Këngëtarja nuk është paraqitur të mërkurën në gjykatë, ku është dashur të përgjigjej rreth konsumimit të substancave narkotike – akuzë kjo që e kanë ngritur avokatët mbrojtës të ish-bashkëshortit të saj, Kevin Federline.

Spears që një kohë të gjatë është duke zhvilluar një betejë gjyqësore kundër ish-bashkëshortit të saj Federline, rreth përkujdesjes ndaj fëmijëve të tyre.

Sidoqoftë, shumë shpejtë u zbulua se Britney kishte gënjyer, pasi që faqja e internetit, TMZ, ka publikuar fotografitë e saj, duke hyrë në hotelin Four Seasons, vetëm disa orë pasi ishte raportuar se ajo ishte e sëmurë për t’u paraqitur në seancën gjyqësore të radhës.