Arrestohet aktorja Mischa Barton

Aktorja e re, Mischa Barton, ka filluar të ndjek trendit e bukurosheve problematike të Hollywoodit. Këto ditë ajo është ndaluar nga policia – pasi që kishte shkelur vijat e plota në rrugë, kishte vozitur në gjendje të dehur, nuk kishte pasur patentë shofer ndërsa me vete kishte pasur edhe substanca narkotike.
Aktorja Barton, e cila më së shumti njihet për rolin e saj tinejxher në serinë, The OC, kishte vozitur Range Roverin e saj të bardhë në Hollywoodin perëndimor, rreth orës 3 të mëngjesit të së enjtes. Pas ndaljes nga policia, ajo ka bërë një gjysmërreth në rrugë duke shkelur dy linja të plota, e madje kishte harruar edhe të jepte sinjal.
Nga zyra e sherifit kanë thënë se, ata tashmë e kanë hulumtuar rastin dhe kanë zbuluar që aktorja ka qenë nën ndikimin e alkoolit dhe se nuk ka poseduar patentë shofer – ndërsa në raportin e policisë thuhet se ajo posedonte edhe drogë.
Gjykatësi i ka caktuar asaj dënim me pagesë prej 10 mijë dollarësh.