Will Smith nderohet nga Hollivudi

Will Smith tashmë është një yll i afirmuar. Ishte një gjë e pashmangshme që edhe ai si gjithë personazhet e famshëm hollivudian, të linte "gjurmët" e tij në "Walk of Fame", përpara Teatrit Kinez të Hollywood. Për momentin në Amerikë po transmetohet në kinema "I am a legend", një ndër filmat më të pritshëm të sezonit, ku Will luan rolin kryesor. Në ambientet e "Walk of Fame" ka pasur shumë gazetarë dhe fotografë, ndërkohë që aktori ishte i shoqëruar nga kolegu Tom Cruise, me të cilin ka tepër shoqëri. Në lidhje me këtë "episod" të paharruar në faqet e kujtimeve të Will,aktori Cruise është shprehur "Jam tepër i kënaqur që njihem me Will dhe familjen e tij. Kur jam me të ndjehem i frymëzuar. Ndajmë së bashku të njëjtin nivel të realitetit dhe të angazhimit si në punë ashtu edhe në familjet tona. Ndër të tjera Will di si të argëtohet!". Smith është bërë zyrtarisht pjesë e historisë së kinemasë, së bashku me emra të paharruar të saj si Cary Grant, Sophia Loren dhe Marilyn Monroe.