Interviste me kengetarin Eros Ramazoti

Titulli: Interviste me kengetarin Eros Ramazoti 15/12/2007, 16:30

Sekretet e Eros Ramazotit

23 vjet karrierë dhe më shumë se 40 milionë disqe të shitura: Eros, këngëtari me talent të jashtëzakonshëm, që ka ditur të rrëmbejë zemrat e publikut (dhe të grave) rrëfen disa nga sekretet e tij

Simpatik, zbavitës dhe thjesht i bukur. Flet për sukseset e tij nëpër botë, për të tashmen e për të ardhmen, për rolin e tij si baba, për marrëdhëniet me të tjerët dhe nuk mund të mos rrëfente edhe disa sekrete joshjeje.

Mes gjithë këngëve të tua, ka ndonjë që të pëlqen për ndonjë arsye të veçantë?Këngët e mia janë të gjitha si fëmijë, sepse janë të gjitha shumë të rëndësishme. Nëse do të veçoja ndonjë do të ishte “Aurora”, që e kam shkruar para se të lindte ime bijë. E kam shumë për zemër atë këngë.

Çfarë ndien kur dëgjon këngët e albumeve të parë?
Më thonë se sa ka ndryshuar zëri im dhe se sa shumë kohë ka kaluar e jam ende këtu. Pastaj më pëlqen të shoh vetëm tek e ardhmja.

Ka një peng që do të të ndjekë gjithmonë?
Jam i kënaqur nga jeta ime sepse deri në një farë moshe në adoleshencë nuk dija ku të shkoja, çfarë të bëja, prandaj kur hedh sytë pas dhe vështroj se sa rrugë dhe sa shumë gjëra kam
bërë, jam i kënaqur.

Pas 20 vjetësh e sheh veten ende me mikrofon në dorë?
Ndoshta me bastun (qesh). Do të doja të isha si Adriano Çelentano. Është ende kaq i freskët dhe i gjallë. Do të më pëlqente të arrija në atë moshë si ai.

Je një këngëtar i madh por edhe një sex-symbol... të vjen në mënyrë natyrale apo luan pak me këtë imazh prej joshësi?
Nuk e kam marrë kurrë shumë në konsideratë këtë gjë. Kam menduar përherë se imazhi zgjat deri në një farë pike. Duhet të jesh i z o t i që bësh atë për të cilën njerëzit të japin sukses. Në rastin tim është të bësh mirë këngët, të kurosh disqet dhe koncertet. Të jesh një djalë i bukur vlen deri në një farë pike. E meg j i t h a t ë duhet të kesh disa sekrete që të bëjnë të jesh gjithmonë në formë...
Gjithçka qëndron në të bërit një jetë të rregullt.
Jeta e një artisti është plot me impenjime: udhëton, ndërron hotele, zbret nga një avion, hipën në një tjetër dhe kjo nuk i bën mirë trupit. Për nëse këtyre u shton një stil jete pak të veçantë, pak të ekzagjeruar nuk arrin në këtë formë deri në moshën 50 vjeç. Sinqerisht unë bëj një jetë stresuese, por kur mundem kuroj pak fizikun. Dal pak mbrëmjeve, rri i qetë në shtëpi, i bie kitarës, ftoj ndonjë mik. Pastaj kam një vajzë dhe rri me të dhe kjo është thelbësore.

Çfarë të tërheq tek një grua?
Bukuria dhe sharmi si impakti i parë. Edhe pse duke e njohur me thellë një grua e bukur mund të mos të të bëjë më atë efektin e fillimit. Ndërsa një grua më pak e bukur mund të ketë më shumë sharm. E rëndësishme është të vlerësosh cilësitë që ka çdokush.

Ke një tip gruaje që preferon? Sportive, intelektuale, ambicioze?
Intelektuale nuk do ishte keq. Kështu më mëson edhe të flas... gjithmonë nëse do ta bëj të flasë! (qesh)

Nuk e josh duke kënduar?
Jo, duke kënduar jo. Mendoj se pas 23 vjetësh njerëzit më kanë treguar gjithë dashurinë për faktin se di të këndoj. Duhet të përmirësohem ende shumë, prandaj do të flas dhe do të bëj dashuri.

Për sa i përket raportit me vajzën tënde, arrin të gjesh kohën për të ndenjur me të?
Ndoshta do ishte mirë të më thoshit nëse arrij të gjej kohën për punën dhe muzikën. Sepse në bazë të gjithçkaje qëndron lidhja me vajzën time, ajo që mbetet vjen më pas.

Çfarë gabimesh nuk do të doje t’i bëje me të si baba?
Nuk lind prind. Është një zanat që mësohet kur linden fëmijët, edhe falë tyre. Të mos bësh atë që kanë bërë prindërit e tu me ty, të bësh atë që nuk kanë bërë, nuk ka shumë kuptim, sepse varet shumë edhe nga karakteri i fëmijës. Mendoj se
thelbësore janë respekti dhe edukata. Këto janë gjërat kryesore që çdo prind duhet t’ua mësojë fëmijëve.

Por nëse një ditë vajza jote do të të thoshte: “Babi dua të merrem me spektakël”, si do të reagoje? Apo ta ka thënë tashmë?
Oh, po. Gjaku është i imi dhe i nënës sime. Të dy punojmë në botën e spektaklit dhe ADN-ja është e njëjta. Do t’i jap këshilla, por pa i mohuar asgjë, sepse mendoj se një fëmijë duhet të ecë përpara në rrugën e tij.

Kënga “Ku f shihen qengjat” i dedikohet vajzës tënde?
Sigurisht, kur ke një fëmijë gjithçka që përjeton bëhet më e ndjeshme, prandaj referimi është gjithmonë njeriu që do më shumë. një këngë që flet për lufta dhe padrejtësi e sheh gjithmonë larg gjithçkaje që do.

Interviste me kengetarin Eros Ramazoti Erer

» Interviste me kengetarin Berkani-in
» Intervista me kengetarin Shpat Kasapi
» Intervista me kengetarin Ermal Fejzullahun