'Shkaktar kryesor për dhimbjet e qafës'

Titulli: 'Shkaktar kryesor për dhimbjet e qafës' 13/11/2007, 18:28

'Shkaktar kryesor për dhimbjet e qafës'

Lodhja eshte shkaktari kryesor per shfaqjen e dhimbjes qafore. Dhimbja akute, e dhunshme është e pranishme vetëm në një anë dhe shfaqet sidomos kur përpiqemi që të ndryshojmë pozicion. Jemi të detyruar që ta mbajmë kokën të përkulur nga një anë dhe nuk mund ta levizim ne asnje ane.
Dhimbja është e shurdhët, qafa është e ngrirë, muskujt janë të tendosur dhe të krijohet përshtypja se kemi një peshë mbi shpatulla. Kjo dhimbje përgjithësisht shkaktohet nga qëndrimi në një pozicion të keq për një kohë të gjatë ose nga stresi dhe tensionet emocionale.
Dhimbja është e pa ndryshueshme dhe përgjithësisht është në të dyja anët e qafës. Me levizje te ndryshme mund te shkaktohen dhimbje te rrenda ne qafe. Dhimbja shtohet me lodhjen apo kur ushtrohen disa lëvizje. Zakonisht ndodh pas një kontraktimi apo një nervozizmi. Si pasojë e kësaj merren dhe dhimbjet e kokës, probleme në shikim, zhurmë në dëgjim dhe nevralgji të vazhdueshme. Mund të bëhet fjalë për shfaqje të një traume.
Dhimbja është e shurdhët zakonisht në të dyja anët e qafës dhe irritohet në vazhdimësinë e kokës apo në mes të shpatullave. Duke e lëvizur kokën provohen mjaft shtrëngime në muskuj, ndjehemi të rëndë dhe na duket sikur jemi të ngarkuar me plumb. Dhimbja paksohet gjatë pushimit dhe mund të mos e ndjejmë për periudha të gjata. Ndonjëherë shoqërohet me mpirje krahu, gjë që mund të jetë shkak i një artroze apo hernie në tru.
Qafa është e ngrirë dhe shkakton dhimbje kur përkulet. Kjo shoqërohet dhe me të vjella, dhimbje koke, ethe dhe acarim nga drita. Mund të bëhet fjalë për meningjit.
Shkaktare dhe faktore kryesor nga të cilat shkaktohet dhimbje në qafë mund të grupohen në katër nivele dhe ate:
Kontraktimet muskulare për shkak të stresit, pozicioneve të këqija apo tensioneve emocionale. Kjo është dhe arsyeja më e shpeshtë e dhimbjeve të qafës. Dhe pse shkaku mund të duket i rëndomtë dhe i thjeshte, bllokimi muskular mund të çojë dhe në një palëvizshmëri totale të përkohëshme.
Sëmundje si artroza apo herni diskale janë shkaku i dytë i dhimbjeve të qafës, por që të dyja situatat mund të jenë aktive njëkohësisht. Kush vuan nga këto sëmundje mundohet t'i shmangë rrotullimet e kokës dhe lëvizjet e shpatullave pikërisht për dhimbjen që i shkakton kjo. Në këtë mënyrë muskujt nuk ushtrohen, mpihen dhe ndonjëherë dhe ngrijnë dhe kështu dhimbjes së shkaktuar nga artroza apo hernia i shtohet dhe ngrirja e muskujve.
Dhimbje të shkaktuara nga trauma apo mikrotrauma, si goditje të ndryshme. Këto mund të jenë dhe goditje të marra gjatë aktiviteteve sportive, lëvizjeve të gabuara apo dhe frakturave të vogla të cilat nuk vihen re për momentin. Pasojat e këtyre goditjeve mund të mbarten me vite dhe mund të shkaktojnë një dhimbje qafe kronike.
Edhe semundja e Meningitit shkakton dhimbje ne koke dhe nese eventualisht nuk ka permisime me pranimet e terapive, ateher shkaktohen edhe demtime me te medha qe mund te rrezikojne edhe vdekjen.