Spears rezulton pozitive në testin e drogës

Sipas ueb faqes së thashetheme TMZ, Britney Spears, e cila u desh t’i nënshtrohet një testi të urdhëruar nga gjykata, si pjesë e marrëveshjes për kujdestarinë ndaj dy fëmijëve të saj, bashkë me ish-bashkëshortin Kevin Federline – ka dalë pozitive në drogë, pas një testi të kryer javën e kaluar.
Megjithatë, Britney nuk dorëzohet dhe këmbëngul që është e pastër nga droga dhe testi është dashur të rezultojë negativ
Javën e kaluar, avokati i Kevinit, Mark Vincent Kaplan, ka thënë se, Britney ka munguar tetë herë në 14 testet e urdhëruara për drogë
Këngëtarja në telashe, e cila ka humbur përkujdesjen ndaj dy djemve të saj, Sean Preston e Jayden James, thuhet të ketë dështuar t’i përgjigjet në disa teste që kanë kërkuar të bëhen brenda orës.