Fillon protesta e LSI-së

Lëvizja Socialiste për Integrim, ka nisur prej afro 15 minutash tubimin e paralajmëruar në sheshin “Skënderbej”, nën moton “Vota është e shenjtë”. Protestës i janë bashkuar përfaqësues të partive të tjera politike, të PDK-së, partisë PS-91, Aleancës Demokratike, Lëvizjes për Zhvillim Kombëtar, shoqërisë civile si dhe komitetit për mbrojtjen e Kushtetutës, të cilët po shprehin mbështetjen e tyre për votën e lirë. Pas pak çastesh, pritet të marrë fjalën kryetari i LSI-së, Ilir Meta. Ndërkohë, burime zyrtare nga LSI thanë sot për Top Albania Radion se në përfundim të tubimit, protestuesit do t’i drejtohen selive të Kryeministrisë dhe Presidencës, përgjatë bulevaredit Dëshmorët e Kombit.