Julia Roberts "ngrinë" karrierën për fëmijët

Njëra nga aktoret më të paguara në botë ka vendosur që për një kohë të tërhiqet nga bota e aktrimit. Ajo dëshiron që të kaloj më shumë kohë në shtëpi e rrethuar nga fëmijët e saj, numrin e të cilëve planifikon edhe ta rris.
Aktorja 40-vjeçare dhe nëna e tre fëmijëve, e cila deri para pak kohe ka fituar nga 20 milionë dollarë për film, ka thënë që është krejtësisht e lumtur në shtëpi me fëmijët e saj dhe se nuk dëshiron më të jetë një grua e dhënë vetëm pas punës e cila xhiron film pas filmi.
"Tani dua të jem vetëm nënë dhe të punojë vetëm kohë pas kohe", ka thënë Julia Roberts për Daily Express.
Ylli i filmit “Pretty Woman” është e martuar me kameramanin Danny Moder, me të cilin ka binjakët dyvjeçar Phinnaeus e Hazel, si dhe pesëmuajshin Henry.
Edhe pse kënaqet duke qenë nënë, ajo thotë që nuk e ka ndërmend të zgjerojë familjen e saj në mënyrën të cilën e kanë bërë Angelina Jolie e Brad Pitt.
Edhe pse kënaqem me fëmijët e mi, ata më marrin aq shumë energji. Nuk dua të di se si duket kjo po të ishin pesë", ka thënë Roberts.