Shmangni ftohjen me gjumë

Personat të cilët gjatë natës bëjnë më pak se shtatë orë gjumë, janë tri herë më shumë të rrezikuar për t’u ftohur në krahasim me personat të cilët flenë tetë e më shuam orë.

Studimet e mëparshme kanë treguar se mungesa e gjumit ndikon në dobësimin e sistemit imun, ndërsa ky studim plotëson të gjeturat e mëparshme duke njoftuar se personat që flenë më pak janë më shumë të ekspozuar ndaj ndonjë virusi të ftohjes.

Në studimin e ri shkencëtarët kanë analizuar shprehitë e gjumit te 153 persona të shëndoshë, meshkuj dhe femra, të cilët janë vendosur në karantinë ku i janë ekspozuar virusit të ftohjes.

Rezultatet kanë treguar se sa më pak gjumë, aq më e madhe është mundësia për të shfaqur simptoma të ftohjes.