A e dinit se... (Kuriozitete)

Titulli: A e dinit se... (Kuriozitete) 28/1/2009, 01:13

- Breshka mund të ecë me 10 km në orë.

- Milingonat e ndjejnë tërmetin që më parë dhe dalin menjëherë nga foletë.

- Më shumë se 1 miliard tranzistorë prodhohen....çdo sekondë.

- Në Zelandën e Re ka 4 milionë njerëz dhe 70 milionë dele.

- Peshqit e harrojnë çdo gjë që ndodhen vetëm para 10 min.

- Një njeri harxhon mesatarisht 3 vjetë të jetës ne banjo.

- Mesatarisht në botë shkohet në shkollë 200 ditë, në SHBA 180 ditë, në Suedi 170 ditë, në Japoni 243 ditë.

- 1 në 10 persona në botë jetojnë në ishull.

- DNA ka një madhësi prej 1 të mijtat e milimetrit, përbehet prej rreth 200 miliard atomesh dhe përmban 1 milion faqe njohuri.

- Në krahun e një majmuni ka rreth 25 milionë qime.

Titulli: Re: A e dinit se... (Kuriozitete) 28/1/2009, 01:17

- Shkencëtarët britanez kanë llogaritur se macat , të cilat ata i mbajnë në shtëpi për 1 vit asgjësojnë50 milion minjë dhe 20 milion zogj të vegjël.

- Fëllënza është në gjendje që 30 ditë të jetojë pa ushqim.
Në janar të vitit 1978 në mishtoren "la Ron" në Misuri të SHBA-ve është prodhuar suxhuku me gjatësi prej 5,7 metrash dhe peshonte 207,3 kg.

- Me gjatësinë e verifikuar zyrtarisht prej 8,8 cm turku Mehmet Ozjurek është shpallur para pak kohe fitues në garat e dyta ndërkombëtare të hundëmëdhenjvetë nbajtur në Stamboll.

- Në Britaninë e Madhe është kultivuar lakra më e madhe.
Pesha e saj është 51,80 kg.

- Autobusi i prodhuar në Moskë (Rusi) më vitin 1955 është i gjatë 17 metra dhe në të mund të vendosen 200 udhëtarë.

- Braziliani Edson Donasimento Pele,konsiderohet si futbollisti më i mirë i të gjitha kohërave.Në 1254 ndeshje futbollisike ai shënoi 1216 gola.

- Fusha më e madhe e naftës në botë është ajo e Ghavar-it (Arabia Saudite), e ngritur nga kompania a përpunimit të naftës "Armako".Madhësia e fushës është 241,5x35.42 km2.

- Alfabeti më e gjatë është i gjuhës kamboxhiane me gjithsejt 72 shkronja.

- Numri më i madh i të vdekurve nga uria është shënuar në periudhën 1918-1943 në të cilën vdiqën gjithsejt 28 104 000 njerëz.

Titulli: Re: A e dinit se... (Kuriozitete) 28/1/2009, 01:20

- Për të prodhuar 1 kg. mjaltë bletës i duhet të thithë nektarin e 12 milion luleve duke bërë rreth 300 000 kilometër fluturim.

- Luftërat dhe statistikat:Nga 1618 më 1905 janë bërë 1044 luftëra tokësore,122 betejadetare,490 rrethime,44 kapitullime.
Lufta më e gjatë llogaritet midis Venecas dhe Turqisë (55 vjet) në vitet 1644-1699, kuse lufta më e shkurtë është ajo midis Austrisë dhe Italisë e cila zgjati vetëm 6 orë.

- Zogu nuk ka shqisën e të nuhaturit dhe të shijes.

- Qukapiku në ditë han mesatarisht 3000 insekte.

- Nga barku i vajzës 20 vjeçare nga Devoni Jugor,Angli u nxor "topi" nga qimet e flokëve te saj të cilat i kishte gëlltitur,i rëndë 2,5 kg.Operimi u realizua në mars 1985.

- Kompjuterat modern janë ndërtuar duke u bazuar në sistemin nervor, por edhe kompjuteri modern nuk i afrohet as nivelit të nje zvarritësi.

- Një njeri i rritur merr frymë afërsisht 25 000 herë në ditë .

- Rreth 27% e ushqimit në vendet e zhvilluara përfundon në koshat e plerave.

- Mundësia për të të rënë rrufeja është 1 në 600,000.

Titulli: Nëntëvjeçari studion në kolegj 28/1/2009, 23:26

Britaniku Ainan Cawley i ka vetëm nëntë vjet dhe veçmë është në mesin e fëmijëve më të mençur në botë. Ky djalosh i cili studion kiminë në kolegj, jeton me prindër në Singapor, derisa maturën e ka kryer kur ishte shtatë vjeç.

Djaloshi jashtëzakonisht i mençur di të recitojë madje 518 decimale të numrit Pi, e përmendësh e di edhe sistemin periodik të elementeve.

Babai i tij Valentine Cawley shkruan një blog për të birin e tij me emrin "Djaloshi i cili di tepër".

"Truri i tij është i madh, di për fizikën, biologjinë dhe kiminë e nganjëherë konkludimet e tij duken si parashikuese sepse ai e sheh të mundurën, e jo atë që është aktualisht", shkruan babai.

"Në gjendje është të shoh përpara edhe nga ajo që është sheh se si do të mund të ishte. Ka shumë shokë moshatarë me të cilët luan. Megjithatë, me po aq lehtësi shoqërohet edhe me të rriturit. Ai është një fëmijë i cili ka interesim të madh të hulumtojë dhe kuptojë gjërat, posaçërisht shkencën", shkruan Valentine Cawley, derisa transmeton gazeta britanike “Telegraph”.

Për këtë çudi prej fëmije është incizuar edhe filmi dokumentar "Fëmija më i mençur në botë dhe unë".

Vëllezërit e tij, pesëvjeçarin Fintan dhe trevjeçarin Tiarnan babai i përshkruan me fjalët "aktori i vogël i talentuar" dhe "fëmija gjenial"

Titulli: Torta më e madhe me djathë në botë 28/1/2009, 23:28

Pastiçierët meksikanë kanë përgatitur për 60 orë tortën me djathë të ëmbël (cheesecake) me peshë prej dy tonësh, e cila ka hyrë në Librin e rekordeve Guinnness, kanë njoftuar agjencitë botërore.

Sipas pastiçierit kryesor Miguel Angel Quezada, tortën prej djathi me dredhëza në maje e kanë përgatitur 55 kolegë të tij.

Për tortën gjigante janë nevojitur 800 kilogram krem djathi, po aq jogurt, 350 kilogramë brumë, 250 kilogramë sheqer, 150 kilogramë gjalpë dhe 100 kilogramë dredhëza.

Torta diametër prej dy metrash e gjysmë dhe lartësi prej 55 centimetra.

Organizatorët e kësaj ngjarje ia kanë ndarë 20.000 copa të tortës banorëve të Meksiko Sitit, ku është përgatitur kjo ëmbëlsirë gjigante.

Titulli: Udhëtari ankohet në shërbim fiton vend pune 29/1/2009, 18:57

Udhëtari i kompanisë ajrore britanike “Virgin Atlantic” i cili shefit të personelit i ka dërguar një letër të gjatë në të cilën ka shprehur pakënaqësinë e tij me shërbimin dhe ushqimin gjatë fluturimit nga Mumbai deri në Londër ka fituar vend të punës në këtë kompani si provues i ushqimit.

Robert Branson, drejtor ekzekutiv i kompanisë ajrore, ka marrë në punë shkrimtarin e letrës më të gjatë dhe më të detajuar të ankesës që në të ardhmen të përzgjedhë ushqimin dhe verërat të cilat do tu shërbehen udhëtarëve të “Virgin Atlantic”.

Letrën përplot me shaka, e cila në vete ka përmbajtur pesë fotografi të ushqimeve “të tmerrshme”, e kanë publikuar mediat në mbarë botën.

Titulli: Statujë e këpucës që u hodh në Bushin 31/1/2009, 01:57

Hedhja me këpucë në ish-kryetarin amerikan George Bush gjatë muajit të kaluar ka nxitur reagime të shumta, e tani ka shërbyer si inspirim për një vepër artistike.

Statuja e këpucës me madhësi të një krevati është zbuluar solemnisht të enjten në qytetin e lindjes së liderit të ndjerë irakian Saddam Hussein.

Artisti nga Bagdadi Lait al-Amari e ka përshkruar veprën e tij si simbol të popullit irakian.

Në statujë është mbishkruar një këngë në nder të Muntadhar al-Zaidit, gazetarit irakian i cili ka hodhi këpucët e tij në drejtim të Bushit gjatë konferencës për shtyp në Bagdad.

Titulli: E ëma e tetënjakëve ka edhe gjashtë fëmijë 31/1/2009, 01:58

Amerikania e cila këtë javë ka lindur tetënjakë, i ka edhe gjashtë fëmijë tjerë në shtëpi.

Nëna e saj Angela Saleman ka deklaruar për gazetën “Los Angeles Times” se e bija e saj nuk po priste tetënjakë kur i është nënshtruar terapisë për të mbetur shtatzënë.

Pasi që nëna e tetënjakëve ka kërkuar të mbetet anonime, mediat kanë ditur pak për të derisa një e njohur e saj nuk i ka treguar televizionit amerikan CBS se nëna është “bukur e re”dhe se jeton me prindërit dhe gjashtë fëmijët e saj, në mesin e të cilëve ka edhe binjakë.

Titulli: Luani i detit mëson të shkruaj kinezisht 31/1/2009, 19:45

Kujdestarët e kopshtit zoologjik raportohet të kanë trajnuar një luan të detit të shkruaj në gjuhën kineze.

Personeli në kopshtin zoologjik Ningbo në Kinë, kanë kaluar tre muaj duke e mësuar luanin e detit, të emëruar Peter, raporton gazeta “People's Daily”.

Ai tani mund të shkruaj karakteret kineze që paraqesin fjalën “demi”, si dhe mund të nënshkruaj atë me vulën e “luanit të detit”.

Pasi që e shkruan, gjashtëvjeçari Peter e mban dhe e vulos në letër në formë të nënshkrimit.

Kopshti zoologjik thotë se Peter do të demonstrojë aftësitë e tij të shkruarit për turistët gjatë Festivalit Pranveror i cili organizohet nga ky kopsht.

A e dinit se... (Kuriozitete) F.0131112333107_m

Titulli: Zjarrfikësi ia vë flakën stacionit! 1/2/2009, 15:43

Derisa zjarrfikësit japonezë ndodheshin në një intervenim urgjent - duke kryer punën - atyre u është djegur stacioni i tyre!

Fatkeqësia ka ndodhur kur një pjesëtar i ekipit të guximshëm ka mbetur në stacion, dhe ka filluar me përgatitjen e darkës për kolegët e tij, të cilët kanë qenë në terren.

Në gjysmë të përgatitjes, ai është thirrur të paraqitet në vendin e ngjarjes, e duke u ngutur ka harruar ta ndalte gazin.

Zjarrfikësit kanë tentuar ta shuajnë zjarrin në stacionin e tyre me dhjetë automjetet që kishin në dispozicion. "Beteja ka qenë e kotë", ka thënë njëri prej zjarrfikësve, derisa i tërë stacioni është bërë rrafsh me tokë.

A e dinit se... (Kuriozitete) F.0201113701790_m

Titulli: Kenia, vëllai i Barack Obamas arrestohet për drogë 1/2/2009, 18:52

George Obama, vëllai nga babai i presidentit te ri amerikan, Barack Obama, është arrestuar në Nairobi të Kenias, me akuzën e zotërimit të marihuanës.

Vetë shefi i policisë e pranoi se George nuk është trafikant droge, por sidoqoftë, është gjetur me shkelje, sepse mbante me vete lënden e ndaluar narkotike.

Ndonëse kanë një baba, presidenti i Shteteve te Bashkuara dhe George Obama nuk janë takuar veçse dy herë gjatë jetës së tyre.

20-vjeçari Obama nuk i pranon akuzat dhe pretendon se policia erdhi dhe e mori në shtëpi, ndërsa ai vetë nuk dinte arsyet përse po e prangosnin. Muaj më parë, ai tha për “Vanity Fair” se e kishte takuar gjysmë-vëllain e tij të famshëm vetëm një herë kur ishte 5 vjeç dhe herën e dytë e të fundit, kur Barack Obama vizitoi Afrikën Lindore në 2006-ën.

20 vjeçari rrëfeu se takimet kishin qenë tepër të shkurtra, e siç shpjegonte ai, kish qenë tamam sikur të takonte një njeri krejtësisht të huaj, me të cilin nuk e lidhte asgjë.

A e dinit se... (Kuriozitete) F.0201163346818_m

George Obama, vëllai nga babai i presidentit te ri amerikan, Barack Obama.

Titulli: Alpinistët lakuriq çmendin zviceranët 2/2/2009, 20:08

Autoritetet zvicerane po tentojnë të ndalojnë turmat e alpinistëve lakuriq nga Gjermania të cilët po “pushtojnë” natyrën e rajonit lindor Appenzell, kanë njoftuar agjencitë. Banorët e Appenzellit janë shumë të shqetësuar për të cilën gjë, autoritetet, janë shumë të merakosura.

“Si do të ndjeheshit ju kur gjatë shëtitjes në natyrë të ndesheshit me një grup njerëzve të zhveshur”?, ka deklaruar Markus Doerig, zëdhënësi i kantonit Appenzell Innerrhoden.

Mirëpo, autoritetet shpejt e kanë kuptuar se janë tërësisht të pafuqishëm: kur policia e ka arrestuar një grup gjermanësh tërësisht lakuriq me çanta në shpinë, e ka zbuluar se nuk ekziston ndonjë ligj që e ndalon këtë aktivitet, shkruajnë mediat botërore.

A e dinit se... (Kuriozitete) F.0202110112459_m

A e dinit se... (Kuriozitete) F.0202110112459_m

Foto: MSNBC

Titulli: Han 203 krahë pulash për njëzet minuta 2/2/2009, 20:09

Amerikani me emrin artistik “Super Squibb” për vetëm 20 minuta kohë ka ngrënë 203 krahë pulash dhe ka fituar bindshëm në garën e cila është mbajtur në Filadelfia.

Për mundimin e tij 23-vjeçari nga qyteza Berlina në shtetin federal të New Jerseyt ka fituar një automjet, unazë diamanti me vlerë prej 8.000 dollarësh dhe kurorën me figura të zogjve miniatural.

Gara tradicionale, e cila çdo vit organizohet në prag të garës së madhe të ragbit “Super Bowl”, është përcjellë nga mbi dhjetëmijë njerëz.

Vendin e dytë e ka fituar Richard "Not Rich" Razzi, i cili ka gëlltitur 180 krahë pulash.

A e dinit se... (Kuriozitete) F.0202115049836_m

Super Squibb

Titulli: Në vend të kasave me para, hyn në nevojtore 2/2/2009, 20:10

Në vend të kasave me para, hyn në nevojtore

Plani i një hajni për të përbiruar rrugën e tij drejt një banke franceze i ka dështuar kur në vend të kasave me para ka dalë në nevojtore.
Ai nuk ia kishte qëlluar rrugës drejt kasave me para dhe në vend të tyre e gjeti veten në një nevojtore ku edhe u arrestua, ka njoftuar gazeta franceze ”La Provence”.

21-vjeçari hyri me dhunë në një ndërtesë të afërme me filialin e bankës “Banque Populaire” në Marseilles gjatë orëve të hershme.

Mashkulli, i cili vinte nga Belgjika, kishte planifikuar që të hapën rrugën e tij me makinë shpimi deri tek dhoma e cila në vete kishte arka përplot me para.

Alarmet u aktivizuan kur ai depërtoi nëpërmes murit dhe policia e kapi atë kur arriti në vendin e ngjarjes.

A e dinit se... (Kuriozitete) F.0202122918355_m

A e dinit se... (Kuriozitete) F.0202122918355_m

Foto: Ilustrim

Titulli: Nëpër burgje instalohen skanerët e prapanicave 2/2/2009, 20:11

Burgjet në Britani të Madhe kanë filluar të instalojnë skanerë për prapanica, për t’i dhënë fund futjes së paligjshme të gjësendeve të palejueshme brenda burgut. Në muajin e parë që kur janë vendosur, në një burg janë nxjerrë 21 gjësende nga zorrët e trasha.
Karriget skanuese për detektimin e gjërave metalike në zorrën e trashë janë duke u vendosur në 102 burgje të Britanisë së Madhe. Secili me vlerë prej 6.500 funtesh, këta skanerë të ri do të tentojnë t’i japin fund kontrabandimit të aparateve celulare dhe gjësendeve të ngjashme në qelitë e të burgosurve, një gjë për të cilat anusi gjithmonë ka shërbyer bukur mirë.

Skanerët, përveç celularëve, do të detektojnë edhe drogën e armët, derisa e tërë procedura zgjat vetëm disa sekonda.

Të ashtuquajturit “Skanerët e sigurisë për vrimat trupore”, janë pajisje të cilat në hap të parë skanojnë gojën, e më pas kur personi ulet mbi ta, e bëjnë analizën e shpejtë të anusit.

Gjatë muajit të parë qëkur këta skanerë janë vendosur në burgun Woodhills të Milton Keynes, janë zbuluar 21 celularë, të cilët deri diku do tu vështirësojnë të burgosurve që në rehatinë e katër mureve të kryejnë aktivitete kriminale jashtë tyre.

A e dinit se... (Kuriozitete) F.0202143500223_m

A e dinit se... (Kuriozitete) F.0202143500223_m

Foto: Ilustrim

Titulli: Kapet në doganë me pëllumba në çorape 4/2/2009, 18:16

Një australian është arrestuar në aeroportin e Melburnit me dy pëllumba të gjallë në çorape, ka njoftuar shërbimi doganor i aeroportit.

Pasagjeri 23-vjeçar Richard Janeczko ua ka tërhequr vëmendjen doganierëve pasi që gjatë kontrollit rutinor në xhepat e tij janë gjetur dy ve të shpezëve.

I riu është dërguar në dhomën për marrje në pyetje ku doganierët kanë zbuluar se në secilën çorape kishte nga një pëllumb të gjallë të fshehur, njoftojnë agjencitë.

“Ky lloj kontrabandimi jo vetëm që është mizor për kafshët, por paraqet edhe rrezik të madh për mjedisin jetësor dhe shëndetin e australianëve”, ka deklaruar në lidhje me këtë rast përfaqësuesi i shërbimit doganor në aeroportin e Melburnit.

Pasagjeri i cili me udhëtimin dhjetë-orësh kishte ardhur nga Dubai në çantë kishte bartur edhe farat e disa bimëve dhe mostra të patëllxhanit të kaltër, derisa atij i kanoset rreziku të kalojë dhjetë vjet në burg dhe të dënohet me gjobë prej 70.000 dollarëve amerikanë.

A e dinit se... (Kuriozitete) F.0203185802270_m

A e dinit se... (Kuriozitete) F.0203185802270_m

Titulli: 24.000 euro dënime për shkak të parkimit të gabuar 4/2/2009, 18:17

Një femër austriake 30-vjeçare, e cila ka injoruar madje 700 dënime për parkim të palejuar - vlera e të cilave ka arritur në 24.000 euro - është dërguar në vuajtje të dënimit me burg prej 500 ditësh, ka bërë të ditur policia austriake.

Kjo femër, nëpunëse shtetërore në qytetin e Gracit, gjatë dy viteve të kaluara, ka injoruar 700 tentime të autoriteteve lokale për t’ia dorëzuar fletëthirrjet për pagimin e dënimeve, bën të ditur agjencia Reuters

"Natyrisht, kemi pasur raste kur persona të caktuar kanë injoruar tri, katër, e madje edhe 10 fletëthirrje, mirëpo 700 asnjëherë, kjo thjeshtë duket e pamundur”, ka thënë zyrtari i policisë, Herbert Matersdorfer.

Sipas ligjit austriak, për këtë lloj të shkeljes ligjore parashihet dënimi më i lartë me burg prej 42 ditësh, kështu që femra rekordere do të vuajë dënimin në periudha të ndryshme kohore dhe jo përnjëherë.

A e dinit se... (Kuriozitete) F.0204040104228_m

A e dinit se... (Kuriozitete) F.0204040104228_m

Titulli: Cigare Obama nga Nikaragua 4/2/2009, 18:17

Derisa presidenti amerikan Barack Obama është dukë tentuar të lë duhanin, një kompani nga Nikaragua ka filluar prodhimin e cigareve me emrin "Obama".

Një kompani e vogël cigaresh "Granada cigars" nga veriu i Nikaraguas përdorë duhanin lokal kuban për cigaret e punuara me dorë dhe kornizë të artë në të cilën shkruan "Obama 44", pasi që ai është presidenti i dyzetekatër me radhë amerikan.

Cigaret "Obama" janë të madhësive të ndryshme, derisa kompania pohon se nga Shtetet e Bashkuara të Amerikës tanimë janë porositur 13.000 prej tyre.

A e dinit se... (Kuriozitete) F.0204112221475_m

A e dinit se... (Kuriozitete) F.0204112221475_m

Titulli: Mashkullin e gjallë e dërgojnë në autopsi 4/2/2009, 18:19

Në rrjedhën e çuditshme të ngjarjeve e cila ka ngjarë si në skenarin e filmit “Zona e Mugëtirës” policia në qytetin indian Khajekalan gabimisht e ka shpallur mashkullin me gjysmë vetëdije të vdekur dhe e ka dërguar në autopsi.

Abdul Raza, vozitës i një shërbimi shtetëror, është gjetur në gjendje me gjysmë vetëdije, por para se t’i bëjnë kontroll të duhur të funksioneve vitale e kanë shpallur të vdekur, shkruajnë mediat aziatike.

“Policia ka njoftuar familjen se Raza kishte vdekur dhe se mund të vinin për të marrë trupin e tij në spitalin lokal. Familja ka qenë e shokuar me lajmin, por kemi shkuar atje. Mirëpo kur kemi arritur një polic na ka thënë se Abdul në fakt është gjallë dhe se është transferuar në njësinë e ndihmës së parë”, ka thënë kushëriri Hameed Intiaz.

Policia indiane nuk dëshiron të pranojë gabimin, por supozon se deri tek ngatërrimi ka ardhur gjatë shkëmbimit të informatave. Për çdo rast më mirë është se i kanë harmonizuar informacionet mirë derisa ishin në dhomën për autopsi.

A e dinit se... (Kuriozitete) F.0204123313959_m

A e dinit se... (Kuriozitete) F.0204123313959_m

Titulli: Polaket mund të rreziten lirisht pa jelekë 4/2/2009, 18:19

Polaket gjatë kësaj vere do të mund të shfaqen në rreze të diellit me gjoks të pambuluar në plazhe dhe pishina pa frikën e deritanishme se policia do të mund t’i dënojë.

Gjykata themelore në qytetin polak Szczecin dje lajmëroi se i ka liruar nga fajësia dy banoret e reja të qytetit, të cilat para gjashtë muajve u dënuan për shkak se në plazhin e qytetit ishin rrezitur pa jelekë.

Gjykata komunale në nëntor u shqiptoi vajzave qortim dhe u caktoi gjobë prej 130 zlotash (30 euro) për shpenzime gjyqësore, me arsyetimin se rrezitja pa jelekë lejohet vetëm në vende saktësisht të caktuara.

Njëra prej vajzave është manekine, fotografitë e së cilës edhe më parë janë publikuar në disa revista polake të dedikuara për lexuesit meshkuj.

Gjykata konstatoi se dy vajzat duke i treguar gjinjtë e tyre lakuriq në plazhin e qytetit nuk kanë shkaktuar "kënaqësi as tmerrim", për shkak të cilës arsye është marrë vendim për lirimin e vajzave nga fajësia.

Dy vajzat e reja gjatë verës së kaluar ishin arrestuar nga policia për shkak se kanë refuzuar ta veshin pjesën e sipërme të kostumeve për larje dhe të paguajnë gjobë.

A e dinit se... (Kuriozitete) F.0204154457870_m

A e dinit se... (Kuriozitete) F.0204154457870_m

Titulli: Mysafirët e hotelit vet caktojnë çmimin e dhomës 7/2/2009, 21:47

Në kuadër të fushatës së hotelit të ri në Singapor, zinxhiri i hoteleve “Ibis” mysafirëve të vet u ka ofruar mundësinë të caktojnë vet çmimin e akomodimit. Duke hyrë në faqen e internetit të hotelit, ata mund të rezervojnë dhomën me çmimin të cilin janë të gatshëm ta paguajnë.
Zakonisht, rezervimi në hotelet "Ibis" kushton 92 dollarë amerikanë, por mysafirëve u është mundësuar që deri në mesin e muajit shkurt, kur hapet hoteli i ri, të bëjnë rezervimin sipas tarifës jashtë çdo konkurrence.

"Në një mënyrë kjo është përgjigje në krizën financiare botërore, por njëkohësisht edhe mënyra më e mirë për të vlerësuar vlerën e tregut", ka deklaruar drejtori i marketingut të zinxhirit të hoteleve "Ibis".

"Kemi pritur që njerëzit do të bëjnë rezervime me nga një dollarë, por kemi marr oferta prej 70 e 80 dollarëve. Kjo është një befasi e mirë dhe vërtetim se mysafirët tonë vlerësojnë shërbimit tona", ka thënë ai.

A e dinit se... (Kuriozitete) F.0205120331176_m

A e dinit se... (Kuriozitete) F.0205120331176_m

Titulli: Gjinjtë më të mëdhenj në botë 7/2/2009, 21:48

Amerikania Sheyla Hershey nga Houston në Teksas është pronare e gjinjve më të mëdhenj në botë, pas vetëm nëntë operacioneve plastike.
Ndryshe amvisja dhe modelja 28-vjeçare, Sheyla ka qenë e gatshme për çdo gjë vetëm të arrijë të madhësia enorme të gjoksit të saj.

Doktorët ia kanë tërhequr vëmendjen se gjinjtë do të mund t’i eksplodonin, ka udhëtuar në vende të ndryshme për të anashkaluar kufizimet për vendosjen e silikonëve, i dashuri e ka lutur të ndalet, por ajo e ka lënë edhe atë për këtë shkak.

“E kam dashur shumë, por më është dashur t’i jap fund lidhjes më të për të realizuar ëndrrën time”, ka thënë e vendosura Sheyla.

Në Shtetet e Bashkuara të Amerikës kanë refuzuar ta operojnë për të nëntën herë, prandaj ajo është drejtuar në Brazil.

“Për mua madhësia është tepër e bukur. Mendoj se nuk kam nga çfarë të frikësohem”, thotë ajo.

Tani Sheyla është pronarja e gjinjve më të mëdhenj në botë, e ndoshta një ditë do të hyj edhe në Librin e rekordeve Guinness.

A e dinit se... (Kuriozitete) F.0205121935720_m

A e dinit se... (Kuriozitete) F.0205121935720_m

Sheyla Hershey

Titulli: Bie nga provimi për patentë shoferi 771 herë 7/2/2009, 21:48

Një banorë e Koresë së Jugut ka rënë për të 771-tën herë nga provimi për patentë shoferi, por nuk e ka humbur shpresën se një ditë do të pajiset me patentë, ka njoftuar policia vendase.
Gruaja 68-vjeçare, e cila është identifikuar vetëm sipas mbiemrit Cha, prej vitit 2005 pothuajse çdo ditë ka tentuar të kalojë testin e vozitjes, e të hënën ka rënë për herën e 771-të.

"Ajo është rekordere", ka thënë për agjencinë franceze të lajmeve “France Press” një polic nga qyteti Jeonju, prej nga vjen kandidatja e pafat.

"Pyes veten se a do të ketë sukses të kalojë testin nga tentimi i 772-të”, ka shtuar polici.

A e dinit se... (Kuriozitete) F.0205141453988_m

A e dinit se... (Kuriozitete) F.0205141453988_m

Foto: Ilustrim

Titulli: Në burg në moshën 98 vjeçare? 7/2/2009, 21:49

Një kinez në prag të njëqind viteve jetë do të mund të përfundojë prapa grilave dhe të bëhet i burgosuri më i moshuar, nëse gjykata e shpall fajtor për mashtrimin, të cilin e ka kryer së bashku me dy bashkëpunëtorë më të ri.
Zhou Zhiping është i dyshuar për pjesëmarrje në mashtrim së bashku me dy bashkëpunëtorë më të rinj, duke bindur viktimën se mund të zhbllokojnë mjetet financiare prej rreth 2.2 milionë eurosh të ngrira në kohën e luftës civile kineze mes komunistëve dhe nacionalistëve.

Viktima, një amerikan 74-vjeçar me prejardhje kineze, i ka paguar rreth 85.000 euro para se të kuptonte se ishte viktimë e mashtrimit.

Zhiping para gjykatës në Pekin është deklaruar se nuk është fajtor.

A e dinit se... (Kuriozitete) F.0205155000983_m

A e dinit se... (Kuriozitete) F.0205155000983_m

Zhou Zhiping

Titulli: Kampioni i Bangladeshit shkatërron 40.000 minj 7/2/2009, 21:50

Një fshatar është shpallur të enjten “kampion i Bangladeshit” pasi që në afat kohor prej një viti ka shkatërruar pothuajse 40.000 minj.
Binua Kumar Karmakar, 40-vjeçar, i ka mbytur minjtë në kuadër të programit të shtetit për deratizim. Si shpërblim ai ka marrë një televizor.

"Gjatë vitit 2008, bujqit tonë kanë shkatërruar rreth 25 milionë minj e Binua Kumar Karmakar është shpallur kampion pasi që ka mbytur 39.650 prej tyre", ka thënë për agjencinë franceze të lajmeve “France Press”, zëdhënësi i ministrisë së shëndetësisë së Bangladeshit, Abdul Halim.

A e dinit se... (Kuriozitete) F.0206104427645_m

A e dinit se... (Kuriozitete) F.0206104427645_m

» Kuriozitete
» Kuriozitete
» Kuriozitete