Angelina Jolie mund ta humbë Zaharën

Angelina Jolie mund ta humbë të bijën e saj të adoptuar Zaharën, pasi nëna e saj biologjike ka kërkuar ta kthejë atë.
Aktorja Jolie, e cila ka thënë se Zahara është jetime në kohën kur e ka adoptuar, në korrik të vitit 2005, ka mbetur e hutuar kur një grua 24 vjeçe e ka lutur atë që t’ia kthejë të bijën. Mentewab Dawit Lebiso, e cila insiston se është nëna e Zaharës, ka thënë se do që bija e saj të kthehet aty prej nga ka ardhur. “Gjyshja e saj dhe unë jemi munduar që ta rrisim atë dhe dua që bija ime të kthehet dhe ta rifitojë identitetin e saj. Kam menduar se ajo do të vdiste, për shkak se nuk kemi pasur ushqim, kështu që kam ikur dhe e kam lënë”, ka thënë ajo. Ndërkohë “Wide Horizons for Children”, agjencia nëpërmjet së cilës Angelina e ka bërë adoptimin, thotë se adoptimi është kryer në mënyrë legale. Tsegaye Berhe nga kjo agjenci pohon se iu beson dokumenteve të cilat i kanë marrë nga qeveria lokale etiopiane.