Marrëdhënia në mes njerëzve sipas statusit së tyre shoqëror

Një moment me rëndësi gjatë ftesës në islam është njohja e gjendjes së njerëzve dhe pozitës së tyre si në shoqëri ashtu edhe në familje, pa marrë parasysh nga këndvështrimi fetar apo shoqëror.
Duhet ditur kush ka nam në shoqëri për shkak të pozitës apo pasurisë, për t'iu treguar respekt si bartës të titullit fetar apo tjetër, apo për shkak të prejardhjes së tyre, dhe e tërë kjo me shpresë që do t'i fitojmë zemrat e tyre dhe në këtë mënyrë t'ua shpallim mesazhin islam. Kjo metodë na mundëson që t'u afrohemi zemrave të njerëzve.
Të kthehemi shkurtimisht në kohën e Pejgamberit s.a.v.s. dhe ngjarjes që e përshkruan Xhabiri r.a.: "Një rast Pejgamberi s.a.v.s. hyri në shtëpinë e tij e pas tij hynë edhe sahabët tjerë përderisa dhoma u mbush përplot. Më pas erdhi Xherir ibn Abdullah el-Bexheli r.a. dhe duke mos gjetur vend u ul pranë derës. Duke e parë këtë Pejgamberi s.a.v.s. morri pelerinën e tij, e mbështjelli dhe ia hudhi Xheririt duke i thënë: "Ulu në këtë". Xheriri e morri pelerinën, e ngriti te fytyra e tij dhe filloi ta puthë duke qarë. Pastaj, e mbështjelli përsëri dhe ia hudhi Pejgamberit s.a.v.s. duke thënë: "Nuk dëshiroj të ulem mbi pelerinën tënde. I lutem Allahut xh.sh. të tregojë nder ndaj teje ashtu sikur më nderove mua." Pas këtyre fjalëve, Pejgamberi s.a.v.s. shikoi djathtas dhe majtas dhe tha: "Kur të vie një person fisnik dhe i ndershëm, tregoni nderimin tuaj." (Shënon El-Hakimi)
Pejgamberi s.a.v.s. në "Ditën e fitores" (dita e çlirimit të Mekës) ka thënë: "Kush hyn në shëpinë e Ebu Sufjanit, do të jetë i sigurtë." (Shënon Muslimi)
Në një hadith tjetër Pejgamberi s.a.v.s. ka thënë: "Vërtetë në lartëmadhërinë e Allahut xh.sh. është nderimi i myslimanëve të moshuar, nderimi i hafizit të Kur'anit pa tejkaluar në këtë dhe respektimi i sundimtarit të drejtë." (Shënon Ebu Davudi)
Duke fituar njerëzit fisnik, të pasur dhe me prejardhje fisnike, hapen dyert e da'ves kështu që njeriu vie në mundësi të fitojë bashkombasit, farefisin dhe miqtë e tij.
Çfarë mendon, vëlla i dashur, sikur Allahu i madhërishëm me përpjekjet dhe mundin tënd t'ia hap zemrën e ndonjë sundimtari ose kryetari shteti. Nuk ka dyshim që shumica e pasuesve të tij do ta pasonin në këtë.
Në tërë këtë shembull më i mirë është Pejgamberi s.a.v.s. i cili ka pasur kujdes për këtë mënyrë të da'ves, sikur që ka qenë dërgimi i letrave mbretërve dhe thirrja e tyre në islam. Pastaj përpjekjet e tij të parreshtura në fushën e da'ves me politeistët, si dhe lutjet e tij drejtuar Allahut xh.sh. për ata, sikur që transmetohet që Pejgamberi s.a.v.s. është lutur: "O Zoti im, më ndihmo dhe ngrite islamin me njërin nga dy të dashur për Ty: me Ebu Xhehlin ose Omer ibn Hattabin." (Shënon Ahmedi)

Përktheu dhe përshtati: Prim.dr.med.sc. Ali F. Iljazi

» Ekonomia
» Puthjet sipas shenjave te horoskopit