Afërdita: “Gjithçka po shkon mirë në lidhjen me Shpatin”

"Gjithsesi ende nuk shihet fejesa në horizont"
E ndërsa imazhin i saj ishte bërë i njohur në Tiranë falë pjesëmarrjes në konkursin e bukurisë “Miss Shqipëria” duket se në fakt shqiptarët e Amerikës e njihnin më parë Afërdita Dreshajn edhe falë karrierës së saj si modele në Shtetet e Bashkuara të Amerikës.
Për më tepër, duket se pas lajmit të një lidhjeje intime me këngëtarin Shpat Kasapi, Afërdita Dreshaj nisi të jetë edhe më shumë interesante për mediat shqiptare.
Në një bisedë telefonike realizuar me bukuroshen mësojmë gjithashtu se marrëdhënia e saj më Shpatin po shkon mjaft mirë, ndonëse ende nuk kanë menduar për ndonjë hap më serioz, siç mund të jetë fejesa. E ndërsa Afërdita vazhdon të jetojë në Shtetet e Bashkuara të Amerikës me familjen, Shpatit i duhet të udhëtojë nga Amerika në Evropë për të vazhduar koncertet muzikore. Së fundi mësojmë se bukuroshja shqiptare është nga Mali i Zi .