Moda e shtatzënisë pushton Hollivudin

Jennifer Lopez, shtatzënë me dy binjakë Pavarësisht veshjeve të saj shumëngjyrëshe, nuk bëhet gjë tjetër veçse në shtypin e përditshëm flitet për shtatzëninë e saj. Por në turneun e bashkëshortit të gjithë të pranishmit kanë vënë re një rrumbullakësi të barkut pas bluzës së gjerë të Jennifer Lopez, ku mendohet se po rriten Tortillas dhe Tacos. Dyshimet në lidhje me këtë shtatzëni i ka mënjanuar deklarimi i ish bashkëshortit të këngëtares, Cris Judd, i cili gjatë Hollywood Film Festival në Beverly Hills është shprehur tepër i kënaqur tek ‘Us Magazine’ :“Jam tepër i lumtur që Jennifer është shtatzënë, gjithnjë ka dashur të bëhet nënë”. Bashkëshorti Marc Anthony dhe këngëtarja janë drejtuar tek gjinekologu për fekondim in vitro, mund të jetë tepër e sigurt se fëmijët që do të lindin janë binjakë. Pasi ka pranuar publikisht shtatzëninë e saj, Jennifer Lopez ka vendosur të braktis për disa kohë skenat muzikore për shkak të frikës, që stresi i shumtë mund t’i shkaktojë komplikacione. Sipas një personi të afërt, këngëtarja në fakt është ‘e terrorizuar nga fakti se vazhdimi i karrierës artistike mund t’i sjellë diçka të keqe. Vizita e fundit që ka bërë në spital, e ka bërë të marrë këtë vendim. Ka frikën e abortit dhe i është shprehur menaxherit të saj që dëshiron të largohet nga angazhimet artistike për disa kohë. I telefonon vazhdimisht nënës së saj dhe kërkon mbështetjen dhe këshillën e saj, nëse do të humbas fëmijët, jeta e saj do të jetë një ferr i vërtetë". Sipas disa personave të tjerë ky vendim është marrë nga Lopez edhe për shkak të kritikave të lëshuara kohët e fundit nga shtëpia diskografike ‘Epic Records’.
Halle Berry shtatzënë frikësohet nga diabeti
Një tjetër emër i njohur hollivudian, Halle Berry është shtatzënë prej disa muajsh. Dhe fëmija që rritet në barkun e saj sipas thashethemeve mund të jetë djalë. Sipas ‘National Enquirer’, thuhet se ylli i ‘X-Men’ pret një fëmijë së bashku me modelin Gabriel Aubry, me të cilin prej kohësh ka një lidhje. ‘Halle është tepër e lumtur, kishte kohë që dëshironte një fëmijë. Por është tepër e shqetësuar sepse është diabetike dhe ka frikë se kjo mund të ndikojë negativisht tek shtatzënia e saj. Tani po bën çdo analizë për të siguruar se fëmija të lind pa probleme. Në fakt sipas ekspertëve, diabeti mund të shkaktojë dëmtime, por me ilaçet e duhura 41 vjeçarja Berry, mund të sjellë në jetë një fëmijë pa probleme. ‘Sjellja në jetë e një fëmijë është projekti im më i madh, është shprehur para disa kohësh Berry. Kam moshën e duhur dhe shpresoj që të ndodh shumë shpejt një gjë e tillë. Nëse nuk do të ndodh një gjë e tillë unë dhe Gabriel do të adoptojmë një fëmijë”. Por ja që dëshira e saj u realizua edhe pse testet e shtatzënisë që ka përdorur për të vërtetuar këtë gjë kanë qenë të panumërta për Halle.

Paris Hilton zbulon shtatzëninë e Christina Aguilera
Edhe pse është përpjekur për shumë kohë të mbajë të fshehtë një gëzim të tillë, planet e Christina Aguilera janë zbuluar nga Paris Hilton nëpërmjet një deklarimi të publikuar në një diskotekë. Christina dhe Paris, mikesha mjaft të mira ishin duke festuar në një klub nate në Luxor Hotel, në Los Angeles, kur Hilton ka marrë në duart e saj një mikrofon dhe ka deklaruar: ‘Urime, femrës shtatzënë më të bukur në botë. Je tepër e bukur. Komplimente të pranuar pa shumë hezitim nga ana e Aguilerës, e cila mbeti pa fjalë pranë bashkëshortit Jordan Bratman. Duket se në botën hollivudiane flitet vetëm për nëna e fëmijë. Por çfarë tjetër mund të bënim nëse në këtë atmosferë ndodhet një epidemi e tillë si ‘yummi mummy’?

Mary J. Blige në pritje të fëmijës së parë
Blige është në pritje të lindjes së fëmijës së saj të parë, kjo sipas sajteve të ndryshme amerikane që merren me të rejat më të fundit të botës së shoëbizit. Me pak fjalë këngëtarja është shtatzënë dhe fëmija do të lind në muajt e parë të vitit të ardhshëm. ‘Mary dhe Kendu Isaacs, bashkëshorti i saj dhe njëkohësisht menaxheri kanë dëshiruar të kishin një fëmijë. Më në fund do të bëhen prindër’. Blige, 36 vjeç jeton së bashku me tre fëmijët e Isaacs, që ka pasur nga një tjetër lidhje. Çifti ka kurorëzuar dashurinë e tyre në vitin 2003 pas fejesës katër vjeçare.

Angelina Jolie shtatzënë sërish?
Ky lajm mbërrin nga Italia, jo nga Amerika siç pritej. Ndër të tjera është theksuar se mjekët i kanë këshilluar qetësi. 32 vjeçarja Angelina, ka qenë e detyruar të ndërpres xhirimet e filmit të ri “Changeling”, që po xhironte në Los Angeles me regji të Clint Eastwood. Pikërisht në fillim të muajit tetor, parnteri Brad Pitt është shprehur se ai dhe partnerja e tij ishin të gatshëm dhe dëshironin një tjetër fëmijë, duke shtuar kështu numrin e pjesëtarëve të familjes të përbërë nga Maddox gjashtë vjeç, Pax 3, Zahara dy (fëmijët adoptues) më e vogla Shiloh, vajza natyrale e cila ka lindur para një viti. Në lidhje me këtë lajm që përhapet me shpejtësinë e erës, nuk vjen asnjë përgënjeshtrim apo konfirmin nga vet Angelina Jolie.

Nicole Richie shtatzënë i përkushtohet bamirësisë
Nicole Richie, pret të lind fëmijën e saj të parë. Për momentin së bashku me bashkëshortin Joel Madden, ka vendosur të krijoj një shoqatë bamirëise me emrin ‘Richie Madden’ për të ndihmuar fëmijët në nevojë. Çifti, ka realizuar një ‘Shower party’ për të festuar lajmin e shtatzënisë, dhe u kanë kërkuar të pranishmëve të mos sillnin asnjë dhuratë, por të bënin një dhuratë për fondacionin. Aktorja e “Simple Life” dhe i fejuari i saj Joel Madden janë parë para pak ditësh në Beverly Hills, dhe Nicole mbante në dorë një unazë fejese me një diamant tepër të madh të rrethuar nga diamantë të tjerë më të vegjël. Një person i afërt ka thënë se Richie, ka evituar të flas për unazën, por në të njëjtën kohë Madden ishte tepër i kujdesshëm për të dashurën e tij. Në tavolinën e tyre ndodhej çdo ushqim, por asnjë pikë alkooli sipas deklarimit të një personi që ka qenë i pranishëm. Në këtë festë kanë marrë pjesë edhe Demi Moore, Ashton Kutcher, Kristin Davis, Barbara Walters.

Fëmija i katërt për Posh Spice?
Zërat qarkullojnë papushim. Victoria Beckham është shtatzënë? Kjo mbase për faktin se javën e kaluar Posh Spice, është parë në ‘Petit Tresor’, një butik i njohur në Los Angeles ku ka qenë tepër e interesuar për fëmijët, sidomos për qëllimin e krijimit të një dhome të re për fëmijë në banesën e saj në Los Angeles. Kaq ka mjaftuar që thashethemet për shtatzëninë e katërt të saj të marrin udhë. Nëse do të ishte këshut Victoria, nëna e tre djemve, por që kurrë nuk e ka fshehur dëshirën për të pasur një vajzë, do të jetë tepër e lumtur për shtatzëninë e saj. Ndër të tjera sipas një personi të afërt me këngëtaren, Victoria dëshiron të mbaj të fshehtë këtë shtatzëni për të mos ngritur polemika në lidhje me turneun e Spice Girls. ‘Turneu mund të jetë i rrezikshëm, të gjithë jemi të vetëdijshëm sesi Christina Aguilera apo Jenifer Lopez, janë tepër të kujdesshmë për shtatzëninë e tyre, madje kanë lënë në plan të dytë angazhimet profesionale. Mesa duket Victoria, do të përpiqet të vazhdoj pjesëmarrjen e saj në evenimentet artistike, derisa t’ia dal mbanë". Derisa të konfirmohet nga vet këngëtarja, lajmi ende nuk bëhet zyrtar, sepse edhe vitin e kaluar është folur për një shtatzëni të mundshme të saj, por që rezultati ka rezultuar i rremë. Nuk na mbetet gjë tjetër veçse të presim konfirmimin, ose përgënjeshtrimin.

Eva Herzigova, nëna e lumtur e George
Për Eva Herzigovën shtatzënia ka qenë një ndër gjërat më të bukura të jetës së saj edhe pse kjo së bashku me martesën e nuk ka qenë një ndër objektivat kryesore të jetës. Para disa kohësh ka sjellë në jetë George e bukur. Këtë e konfirmon vet top modelja 34 vjecare në Hello: "Kam një marrëdhënie tepër të mirë me Gregorio, por kur kam qenë shtatzënë ka qenë tepër fantastik. Jam tepër e lumtur. Jemi bashkë që nga viti 2001, por gjithnjë është si ditën e parë. Më thotë se jam një nënë fantastike. Jemi me të vërtetë një familje e mirë, më e mira që mund të kisha dëshiruar. Në lidhje me fizikun tim nuk është se kam qenë shumë e interesuar gjatë shtatzënisë» deklaron modelja ceke.

Mila, një nënë e re tepër e kujdesshme
“Mendoja se birra ishte shkaktarja e fryrjes së barkut tim, por në të vërtetë ka qenë një bebe”. Kështu është shprehur Milla Jovovich në lidhje me shtatzëninë e saj të papritur. Aktorja e bukur 31 vjeçare, ka sjellë në jetë fëmijën e parë, ku babai është skenografi Paul W.S. Anderson, që ndër të tjera është edhe producenti i filmit të inspiruar nga videoloja Resident Evil, ka theksuar se nuk kishte dijeni për shtatzëninë. “Nuk e dija se isha shtatzënë. Në fillim jam përpjekur të kuptoj fryrjen e barkut dhe mendova se ishte faji i birrës, duke u nisur edhe nga fakti se kohët e fundit e kisha ekzagjeruar disi”, shprehet protagonistja e Resident Evil, kjo sipas asaj që theksohet në shtypin e përditshëm amerikan. Fillimisht kishte probleme për lindje fëmijësh sepse ishte tepër e dobët, peshonte vetëm 58 kg, por tashmë shtatzënia i dhuroi edhe 31 kg të tjerë. Ndër të tjera tregon me kënaqësi fotot dhe ndryshimet e fizikut të saj. Por tani Mila ka në krahët e saj një bebe të vogël, për të cilin kujdeset jashtëzakonisht shumë. Urime nënës së re!