Julia Roberts dizajnon byzylyk për Armani

Julia Roberts është duke i bashkuar forcat me disenjatorin, Giorgio Armani, për të dizajnuar një byzylyk për Ditën Ndërkombëtare të AIDS-it.
Byzylyku do t’i shitet nga Emporio Armanit derisa përfitimet nga shitja e tij do t’i jepen (PRODUCT) RED, një organizate të themeluar nga frontmeni i bendit U2 Bono dhe Bobby Shriver, për të luftuar AIDS-in dhe për të furnizuar me ilaçe Afrikën.
Byzylyku i dizajnuar nga aktorja e famshme vjen në dy ngjyra – e kuqe për femrat dhe ngjyrë kafe për meshkujt, me një vulë e cila ka motiv pemën e jetës dhe fjalët “Revolution-Evolution-Devotion.”
Byzylykët do të kushtojnë 175 dollarë, dizajni femëror dhe 195, ai mashkullor, do të paraqiten në shitje më 1 dhjetor, në Ditën Ndërkombëtare të AIDS-it, në emporioarmani.com.
Byzylykët do të mund të gjenden edhe në shitoret e Emporio Armanit që prej 1 shkurtit të vitit të ardhshëm.