Zgjedhjet 2007

Komisioni Qendror Zgjedhor (KQZ) është themeluar me Rregulloren e ndryshuar të UNMIK-ut 2000/21 të datës 18 prill 2000 dhe është përgjegjës për administrimin e zgjedhjeve në Kosovë. Roli i KQZ-së është rregullimi i procesit zgjedhor nëpërmjet miratimit të Rregullave Zgjedhore dhe mbikqyrjes së të gjitha aspekteve të procesit për të siguruar që zgjedhjet përmbushin standardet ndërkombëtare.

Zëvendësi i Përfaqësuesit të Sekretarit të Përgjithshëm (PSSP) për Ndërtimin e Institucioneve, Shefi i Misionit të OSBE-së Ambasadori Tim GULDIMANN, është kryesues i KQZ-së. Komisioni i plotë përbëhet nga tre komisionerë ndërkombëtar dhe nëntë vendor. Përderisa komisionerët ndërkombëtar janë të emëruar nga PSSP, ata vendor janë të emëruar nga partitë më të mëdha dhe nga bashkësitë (komunitetet) më të vogla, duke përfshirë Serbët e Kosovës, Romët, Ashkalinjtë, Turqit, Boshnjakët dhe Goranët.

Përfundimisht, dy nga komisionerët vendor nuk janë politik por përfaqësojnë organizata jo-qeveritare, të afërta me fushën e të drejtave të njeriut dhe me njerëzit me paaftësi mentale dhe fizike. Komisionerët në përgjithësi emërohen në baza të kualifikimeve të tyre profesionale pasi që puna e KQZ-së është teknike dhe karakterizohet me pavarësi dhe neutralitet. KQZ-ja merrë vendime me konsenzus. Nëse nuk mund të arrihet konsenzusi, kryesuesi mund të merr vendimin përfundimtar dhe të obligueshëm.