Bono e Bob Geldof ndihmojnë në thellimin e varfërisë në Afri

Frontmeni i bendit të njohur irlandez, Bono dhe Bob Geldof, janë akuzuar për përkeqësimin e problemeve në Afrikë me fushatat e tyre si, Live 8 dhe Live Aid.
Kryesuesi i organizatës joqeveritare “African Aid Action” Jobs Selasie ka thënë që fushatat e kanë përkeqësuar korrupsionin dhe varshmërinë në shumë vende të kontinentit afrikan.
Ai ka theksuar faktin që prej fushatës fillestare, Band Aid, numri i afrikanëve që jetojnë me ndihma është rritur për 500%.
Gjithashtu, qeveritë afrikane tani varen nga 70% e buxheteve vjetore prej ndihmës së jashtme derisa, më herët, ata janë varur vetëm në 20%.
Selasie beson që shumica e problemeve janë duke u shkaktuar nga obsesioni perëndimor me korrektësinë politike.
"Ndihma ka dështuar për shkak të njerëzve që bëjnë fushata, organizatave bamirëse dhe qeverive që nuk e kanë plan të duhur dhe kanë përjashtuar organizatat afrikane nga pjesëmarrje në zgjidhje”, ka thënë ai.