Madonna ndërron emrin e kapluar nga kriza e moshës së mesme

Mbretëresha e pop-mzikës, Madonna, nënë e tre fëmijëve, duket se ka hyrë në një konflikt të dhembshëm me identitetin e saj. Vitin që vjen, ajo mbush 50 vjet, dhe tash ka kërkuar nga miqtë që ta thërrasin me emrin e mesëm, të cilin nuk e ka përdorur deri më tash - Louise.
“Madonna na ka thënë që të nisim ta thërrasim me emrin, Louise, pas 25 vitesh nga koha kur e ka përdorur emrin Madonna, e më pastaj edhe Esther”, kanë thënë miqtë e këngëtares për “Sunday Express”.
Thuhet se edhe burri i saj (10 vjet më i ri) Guy Ritchie, po ashtu është i vetëdijshëm se gruaja e tij, në gusht të 2008-së, do t’i mbush 50 vjet dhe se tash po kalon një krizë të moshës së mesme.
Po kalon nëpër krizën e viteve të mesme”, kanë thënë miqtë e këngëtares duke njoftuar se ajo sërish është ofruar me shtatë vëllezërit dhe motrat e saj me të cilët dëshiron t’i kujtojë ditët e fëmijërisë, të kaluara në Michigan.