Alicia Keys me albumet më të shitura në SHBA

Alicia Keys i ka pushtuar top listat e albumeve duke u radhitur e para, pasi që i ka shitur 742 mijë kopje të albumit të saj “As I Am” gjatë një jave.

Ylli i muzikës R&B është pritur të debutojë në vendin e parë, mirëpo as ekspertët nuk kanë pasur ide se ajo do t’i tejkalojë aq shumë rivalët e saj të skenës. Shifrat e dhëna së fundi tregojnë se gjatë javës së fundit Keys ka shitur më së shumti albume në mesin e artisteve femra, që nga koha kur albumi i këngëtares Norah Jones “Feels Like Home” ka shënuar rekord me një milion kopje të shitura në vitin 2004.