Zbulohet sekreti i vitalitetit

Ky zbulim mund të hapë rrugë për ilaçe të reja për kurimin e trashësisë dhe të pengohet epidemia e kolesterolit të lartë

Studiuesit nga Universiteti i Kalifornisë kanë ardhur deri te një zbulim i rëndësishëm, i cili mund të jetë jetik në luftën kundër peshës së tepërt. Në studimin e botuar në revistën shkencore ”Nature Medicine', është zbuluar se me pamundësimin e prodhimit të një enzime të caktuar, i cili trupit i ndihmon në absorbimin e yndyrës, është e mundur të pengohet shtimi në peshë. Ky zbulim mund të hapë rrugë për ilaçe të reja për kurimin e trashësisë dhe të pengohet epidemia e kolesterolit të lartë. Enzima tretëse MGAT2 luan rolin kyç në procesin e përgatitjes së energjisë, respektivisht ndërtimin e fibrës yndyrore, ndërsa studiuesit kanë zbuluar se me shuarjen e kësaj enzime tek minjtë mund të arrihet që ata mos të trashen derisa hanë ushqim me kalori të lartë. Profesori Bob Fareses, nga Universiteti në Kaliforni, ka thënë se ky zbulim mund të jetë mjaft i dobishëm. ”Enzima është mbrojtës në zorrë, e cila rregullon absorbimin e yndyrës. Zhvillimi i ilaçeve kundër peshës së tepërt momentalisht është në maje të prioriteteve, kryesisht për atë që personat me peshë të tepërt vdesin shumë të rinj”, ka thënë Fereses.