Gruaja shtatzanë ngelet prapë shtatzanë

Një grua në Teksas pret të lindë dy fëmijë, por me një distancë kohore prej dy javësh e gjysëm nga njëri tjetri. Të dyja fetuset po rriten vërtet në të njëjtin bark, por nuk janë binjakë. Kjo pasi pak kohë pasi i ishte gëzuar shtatzanisë së parë, Xhulia mësoi se mbeti sërish shtatzanë.

Gjatë kryerjes së ekografisë mjekët në Arkanzas në Shtetet e Bashkuara nuk u besonin syve kur panë se krahas Xhillian-it te Xhulia po rritej edhe një fëmijë tjetër. Ai është djalë dhe prindërit kanë vendosur ta quajnë Hadson.

Pas analizave të mëtejshme mjekët arritën në përfundimin se fëmijët ishin ngjizur në kohë të ndryshme. Edhe pse raste të tilla kanë ndodhur edhe më parë, fenomeni i bebeve ‘Grovenburg’ është një dukuri mjaft e rrallë në mjekësi.

Xhillian dhe Hadson do të lindin dhe në vite të ndryshme njëri në fund të 2009-ës dhe tjetri në fillim të 2010-ës.