Ekstravaganca e Verës

Ekstravaganca e minifundit, sensualiteti i këmbëve të zhveshura nga cdo mbulim si dhe shkëlqimi i ngjyrave do të jenë tendencat e kësaj vere.
Sondazhi i fundit i bërë në internet tregon se femrat nuk heqin asnjëherë dorë nga nxjerrja në pah e feminilitetit të tyre.

Cila tendencë do të preferohet më shumë për këtë stinë?
1-Fundi ose pantallonat super të shkurtra - 34%
2- Modele të viteve 70 - 24%
3- Mbizotërimi i ngjyrës së argjendtë në veshje dhe aksesorë - 15%
4-Më pak e zbuluar dhe shik - 13%
5-Stili drithërues i ngjyrave të ndezura - 13%

Të përqafosh tendencën
Po , këtë stinë nuk mund të rrish pa i nxjerrë ne pah këmbët! Në fakt fundi , minifundi dhe pantallonat e shkurtra do të kenë tendenca drejt shkurtimit.
Ju kapi paniku? Mos u trembni, kjo eshte vetëm modë! Për ato që nuk kanë dëshirë të vishen në këtë mënyrë nuk ka problem:ti mund t'i adaptosh vetes një tunik ose dicka pak më të gjatë por që të nxjerrë në pah elegancën! Do të dukësh shumë tërheqëse dhe seksi nëse në këmbët e tua do të mbash veshur kepucë stil balerine, edhe femrat më elegante do përpiqen të të kopjojnë!

E pëlqyeshme është veshja e kombinuar me vija dhe e kuqja rrëzëllitëse që rindez zemrat.

E verdha e ëmbël : një ngjyrë që shpreh përsosmërisht tendencën e fundit. Minipantallona që nxjerrin ne pah këmbët ngjyrë bronzi të kësaj vere.

Vijat shik: Për fanset e stilit komod dhe elegant ,Channel ka imagjinuar nje stil shik të adoptuar nga sporti. Ajo që bie në sy është butësia e pambukut të këtij modeli sportiv.

Gjithmonë e më i shkurtër! Tendenca e propozuar nga Channel nxjerr gjithmonë e më shumë në pah feminilitetin, kjo falë ngjyrës së zezë dhe ngjyrës së arit.