Xheni Koçi, kërkon çmim në Supermodel të New Jork

Më 16 janar studentja e ekonomikut do të jetë para provës së madhe
Xheni Koçi është vajza, që shpreson se i është hapur një rrugë në fushën e modës, pasi u përzgjodh nga “Ford agency” për të përfaqësuar Shqipërinë në konkursin ndërkombëtar “Supermodel of the World”. Ndonëse nuk ka pasur përvoja të mëparshme serioze në fushën e modës, studentja e Fakultetit të Ekonomisë është ende në kohë për t’i hyrë rrugës së modës, duke ditur që në fushën e modës kërkohen vajza shumë të vogla.
Do të jetë në Nju Jork më 16 janar, në garë për supermodelen e botës. Studentja e ekomomikut Xheni Koçi, e cila pak muaj më parë u zgjodh si përfaqësuesja e Shqipërisë për në konkursin ndërkombëtar “Supermodel of the World”, është tashmë përpara provës së madhe.
Pasi ka arritur të fitojë vlerësimin e jurisë mes shumë konkurrenteve shqiptare, Xheni Koçi do të jetë këtë radhë përballë vajzave nga vende të ndryshme të botës, në garën më të madhe për modelet. Themeluar nga Eileen Ford në vitin 1980, përmes këtij konkursi zgjidhen vajza si modele në më tepër se 50 vende të botës në kërkim të imazheve të reja çdo vit. Shqipëria merr pjesë me përfaqësuesen e saj për të tretën herë radhazi.
Edhe pse deri tani përfaqësueset tona nuk kanë arritur të rrëmbejnë trofeun e garës ato janë shprehur të vlerësuara dhe e kanë konsideruar një hap në botën e modës këtë pjesëmarrje. Përfaqësuesi i agjencisë Ford dhe organizatori i këtij konkursi për bukurinë është fotografi i njohur Fadil Berisha në bashkëpunim me Top-channel. Për Xheni Koçin, ky hap shënoi një mundësi serioze në botën e modës.
Xheni Koçi është vajza, që shpreson se i është hapur një rrugë në fushën e modës, pasi u përzgjodh nga “Ford agency” për të përfaqësuar Shqipërinë në konkursin ndërkombëtar “Supermodel of the World”. Ndonëse nuk ka pasur përvoja të mëparshme serioze në fushën e modës, studentja e fakultetit të Ekonomisë është ende në kohë për t’i hyrë rrugës së modës, duke ditur që në fushën e modës kërkohen vajza shumë të vogla.
Sa për fituesen e “Supermodel of the World”, që do të zgjidhet me 16 janar do të përftojë një kontratë prej 250 mijë dollarësh me agjencinë Ford, ndërsa vajzat që do të renditen në vendin e dytë dhe të tretë do të përftojnë kontrata përkatësisht ne vlerat 150 mijë dhe 100 mijë dollarë.