David Beckham viziton Sierra Leonen në kuadër të UNICEFIT

David Beckham ka bërë një vizitë në Sierra Leone të sponsoruar nga UNICEF, e cila do të përqendrohet në disa programeve mbi rininë e këtij vendi të prekur nga lufta.
Futbollisti anglez është dërguar në cilësinë e Ambasadorit të Vullnetit të Mirë dhe ka vizituar një numër projektesh të realizuara nga organizata e Kombeve të Bashkuara.

“Ai është këtu si një mysafir i UNICEFIT. Ai do të mbulojë programe rreth mbijetesës së fëmijëve në Sierra Leone, duke vizituar projekte mbi parandalimin e malaries dhe imunizimin, të realizuara nga UNICEF në këtë pjesë veriore të vendit”, ka thënë zëdhënësi i organizatës.

Beckham qëndroi atje gjatë vikendit, ndërsa të dielës është rikthyer në Evropë.