Gjyste Vulaj harron klipin

Këngëtarja seksi Gjyste Vulaj nuk di të ndalet! Pas koncerteve të shumta ku ka qenë e ftuar për festat e fundvitit, një tjetër axhendë e ngjeshur e pret atë. Në datën 25 janar ajo do të jetë e ftuar në Frankfurt të Gjermanisë, në një klub nate ku mblidhen shqiptarë, ndërsa më pas do të shkojë në Amerikë, Kosovë e Maqedoni. Intensiteti i koncerteve ka bërë që këngëtarja të lërë pas dore edhe përgatitjet për klipin e fundit, pas atij me titull “Puthja e fundit”.
Për Gjysten koncertet kanë qenë gjithmonë pjesa më fitimprurëse në karrierën e saj artistike, ndaj ajo nuk nguron të pranojë çdo ftesë që vjen në emër të saj, ndërsa ndonjëherë publikon edhe videoklipe duke investuar jo pak para edhe në to. edhe në to.