Theron: Më pëlqen të punoj me Smith

Aktorja e Hollywoodit, Charlize Theron, mezi pret që sërish të punojë me reperin e shndërruar në aktor, Will Smith, megjithëse ata sapo kanë përfunduar së filmuari së bashku.
Aktorja nga Afrika e Jugut luan rolin e gruas së Smith në filmin “Hancock”, që pritet të lëshohet në kinema më vonë gjatë këtij viti dhe do të pranonte çfarëdo projekti në të ardhmen që të jetë afër me aktorin e filmit “I Am Legend”
“Do të bëja një film mbi incizimin e këngëve me Will Smith! Më pëlqen të punoj me të, ai është një aktor i jashtëzakonshëm”, ka thënë 32-vjeçarja, e cila fitoi çmimin Oskar në vitin 2004 për rolin e saj në filmin “Monster.