Cruise - ngasësi i parë i motorit të ri të Ducatit

Ylli i Hollywoodit, Tom Cruise, do të jetë njeriu i parë që do të ngasë motorin më të ri të Ducatit.
Modeli Desmosedici RR kushton 72 500 dollarë, ndërsa çelësat e parë do t’i jepen yllit të filmit “Mission Impossible” gjatë kësaj jave. Modele të tilla të motorëve janë prodhuar vetëm 1500 në dy ngjyra, të kuq dhe të bardhë.
“Jemi të kënaqur që produktin e parë në SHBA do t’ia japim Tom Cruiset, i cili është i njohur si adhurues i Ducatit”, ka thënë zëdhënësi i kompanisë, Michael Locks. Motori i ri ka shpejtësinë maksimale 322 km në orë.