Sonte ndarja e çmimeve Grammy

Në Los Angeles sonte do të ndahen çmimet Grammy. Në mesin e favoritëve, siç pohon shtypi i Hollywoodit janë, Amy Winehouse, Kanye West dhe "Foo Fighters" të cilët kanë marrë më së shumti nominime.
Kanye West është nominuar për çmimet muzikore amerikane në tetë kategori, derisa Amy Winehouse në gjashtë, përfshirë edhe kategoritë për performuesen më të mirë, klipin dhe këngën e vitit për hitin e saj "Rehab" dhe albumin e vitit, për "Back to Black".
Në nominimet për kategorinë klipi i vitit janë futur edhe Beyonce, për "Irreplaceable", "Foo Fighters" për "The Pretender", Rihanna për "Umbrella" si dhe Justin Timberlake, për "What Goes Around Comes Around".