Tuna pretendente për në “Eurovizion''

Altuna Sejdiu është një tjetër shqiptare, që pretendon të jetë konkurrente në festivalin Evropian të këngës, por si përfaqësuese e Maqedonisë.
Në përzgjedhjen, që do të bëhet më 23 shkurt mes 15 konkurrentëve, përveç Tunës është edhe Adrian Gaxha.
Ndërkohë që duket se Big Mama, një tjetër pretendente është përjashtuar nga konkurrimi për shkak të disa ankesave. Lajmi është bërë i ditur në internet nga revista albaniac, në të cilën thuhet se këngëtarja shqiptare e Maqedonisë është pretendente kryesore, nisur nga preferencat e deritanishme. E afirmuar ne Shqiperi,ndoshta po
aq sa edhe në Maqedoni, Altuna Sejdiu është bërë një prej femrave më të preferuara në muzikën tonë. Ajo njihet për stilin e saj të veçantë dhe zërin e spikatur, ndërsa shihet si një këngëtare moderne dhe e dashur veçanërisht nga të rinjtë. Vitin e kaluar Tuna ishte pjesëmarrëse në festivalin “Top fest”, ku u vlerësua edhe me çmimin e këngës më të mirë. Nuk dimë nëse edhe këtë vit ajo ka projekte për të qenë në Shqipëri, por nisur nga fakti, që po sheh me përparësi pjesëmarrjen në festivalin Evropian të Këngës, ndoshta ardhja e saj në Tiranë mund të shtyhet për pak kohë më vonë. Gjithsesi nëse do të jetë pikërisht Altuna Sejdiu vajza, që do të përfaqësojë muzikën maqedonase në Eurosong, atëherë është e sigurt, që votat e shqiptarëve do të shkojnë për të.