Shpat Kasapi në ekranin grek

Shpat Kasapi do të jetë së shpejti protagonist edhe në një prej ekraneve greke. Ështëky lajmi i fundit, që na vjen për këngëtarin shqiptar nga Maqedonia .
Ndonëse nuk dimë se cili është prgrami, që i ka bërë ftesën mësojmë, se Shpati e
ka pranuar atë duke besuar se këtë radhë teleshikuesit më të vëmendshëm të tij, në “Antena” do të jenë shqiptarët, që jetojnë në shtetin helen. Pas daljes së këngës së tij të re, pak kohë më parë, “Sonte do të pi”, Shpat Kasapi duket se ka nisur një fushatë të gjerë koncertesh.
Brenda një periudhe të shkurtër ai ka qenë disa herë në Shqipëri, ndërsa mësojmë se shumë shpejt do të jetë si i ftuar edhe në stacionin televiziv grek, ndoshta në një emision muzikor. Kohët e fundit, këngëtari shqiptar nga Maqedonia është bërë pjesë edhe e faqeve rozë, për lajme të ndryshme e shpesh edhe kontradiktore rreth jetës së tij private. Natyrisht besojmë se Shpati tashmë ka kuptuar, se nuk mund ta evitojë këtë pjesë dhe se ky është çmimi i të qenit person publik. Edhe pse vazhdon të jetë i pranishëm në lokalet e natës në kryeqytet, nuk dimë nëse këtë vit Shpat Kasapi do të jetë pjesëmarrës në Topfest, ashtu si vitin e kaluar.