Lohan pozon për fushatën e rëndësisë së të dëgjuarit

Aktorja Lindsay Lohan është e famshmja e fundit që ka vendosur të ndihmojë në fushatën për rëndësinë e të dëgjuarit
Aktorja ka pozuar për rokerin dhe fotografin Bryan Adams si pjesë e fushatës “Dëgjoni botën”. Muzikantët Amy Winehouse, Joss Stone, Annie Lennox, Moby, dhe Harry Belafonte po ashtu kanë marrë pjesë në këtë projekt. Secili prej tyre është fotografuar me dorën pas veshit, duke u përpjekur të dëgjojë. Fushata ka për qëllim që të ndihmojë njerëzit të kuptojnë rëndësinë e të dëgjuarit, pasi humbja e dëgjimit është problem që prek 10 për qind të të gjithë popullsisë botërore.