Jackson mendon se është alergjike në martesë

Superylli i muzikës r’n’b, Janet Jackson, nuk e ka me nxitim martesën me të dashurin Jermaine Dupri, pasi që mendon se ajo është "alergjike nga martesa".
Këngëtarja është e pushtuar nga ideja e dy martesave të mëhershme të dështuara, e para me James DeBarge, me të cilin u nda në vitin 1985 pas një viti së bashku, dhe e dyta me Rene Eludondo, që përfundoi në vitin 1999, pas 13 muajsh së bashku. 41-vjeçarja edhe njëherë ka përsëritur frikën nga martesa, pasi që thashethemet se ajo është afër kurorëzimit po dominojnë së fundi.
“Nëse duhet të ndodhë, do të ndodhë. Mua më pëlqen gjendja si jemi dhe jam e lumtur ku jam. E kam bërë dy herë më herët. Frikohem se kjo mund të jetë fatkeqe. Jam alergjike në martesë”, ka thënë Jakcson e cila është në lidhje me Dupri që nga vitit 2002.