Filmi i Hilton dështon tërësisht në kinema

Tentimi i Paris Hilton të shndërrohet në yll filmik përmes "The Hottie & The Nottie", ka pësuar dështim të madh në kinema.
Filmi i ri, në të cilin Hilton luan një vajzë të mahnitshme që shoqërohet nga një shoqe shumë e shëmtuar, fitoi vetëm 27,696 dollarë në 111 kinema në Amerikë, gjatë vikendit të kaluar.
Kjo do të thotë se mesatarisht rreth 31 njerëz e kanë përcjellë këtë film në secilën prej kinemave, gjatë një periudhe tre ditore. Roli filmik i mëhershëm i Hilton ishte në vitin 2005, në filmin e frikshëm, “House of Wax”.