“Nga 1 tek 10” videoklipi i ri i Zanfina Ismajlit

Këngëtarja Zanfina Ismajli ka realizuar videoklipin e saj më të ri “Nga 1 tek 10”.Muzika, teksti dhe orkestrimi i kësaj kënge janë bërë nga kantautori i njohur shqiptar Flori.

Ky nuk është bashkëpunimi i parë i këngëtares me këtë të fundit, dhe pikërisht suksesi i bashkëpunimeve të mëhershme mes artistëve ka bërë që ata të bashkëpunojnë sërish. Videoklipi “Nga 1 tek 10” është realizuar në Maqedoni ndërsa këngëtarja në të ka zgjedhur që të ketë një imazh tjetër, përkatësisht të shndërrojë veten në një femër me stilin e viteve 60, për sa i përket pamjes. Me realizimin final të spotit, Ismajli nuk është ndarë edhe aq e kënaqur ngase kërkesat e saj kanë qenë më të mëdha sesa është prezantuar në videoklip. Në një bisedë për emisionin “Express Live”, këngëtarja ka thënë se së shpejti do të nisë përgatitjet për albumin e saj më të ri, përkatësisht albumit e dytë në karrierën solistike.