Winslet shet fustanin për teatrin e të pastrehëve

Një fustan i dizajnuar për aktoren Kate Winslet është shitur për 40 mijë dollarë në një ankand. Ylli i filmit “Titanic” e ka shitur kreacionin e bërë nga Vivienne Westwood për të mbledhur fonde për teatrin “Cardboard Citizens”, që është një kompani teatrale për njerëzit e pastrehë.

Aktorja 32-vjeçare , që është ambasadore e bamirësisë, e ka pasur të veshur fustanin në një mbrëmje bamirëse, para se ta shiste atë në ankandin e mbajtur atë mbrëmje. “Vivienne Westwood e ka krijuar këtë fustan veçanërisht për mua, dhe është vërtetë shumë i bukur. Shpresoj që fituesi të mund të kënaqet me këtë fustan po aq shumë sa edhe unë”, ka thënë ajo.