Lidhja mes Bloom dhe Kerr nuk është më sekrete

Përpjekjet e aktorit Orlando Bloom ta mbajë të mbuluar lidhjen e tij me supermodelen australiane Miranda Kerr kanë dështuar, me disa pamje të kapura së fundi që konfirmojnë romancën.
TMZ ka siguruar pamje të aktorit të filmit “Lord of the Rings”, duke u larguar nga apartamenti i Kerr në New York, gjatë orëve të hershme të mëngjesit.
Videoja tregon Bloom duke u përshëndetur me Kerr derisa të dy shkojnë në rrugë të ndryshme. Modelja e Victoria’s Secret muaj më parë kishte mohuar se mes tyre ka ndonjë lidhje romantike, duke thënë se ishin vetëm miq.