Clooney: Unë jam Hilary Clinton i Oskarëve

Aktori George Clooney, e ka krahasuar betejën e tij për të fituar Oskarin në kategorinë e Aktorit më të Mirë, me garën mes dy rivalëve për president të SHBA-ve, Hillary Clinton dhe Barack Obama.
Clooney është i bindur se ai do të ishte fitues nëse për këtë çmim nuk do të garonte edhe aktori Daniel Day-Lewis. Kjo situatë është e ngjashme me atë të dy kandidatëve demokrat, Clinton dhe Obama. Aktori ka thënë se po të mos ishte Obama si kundërshtar, Clinton sigurisht do t’i fitonte zgjedhjet e vitit 2008.
“Për mua kjo është, si me qenë në vend të Hillary Clinton. Nëse votat nuk do të ishin për Barack Obama, do të ishte vit i mirë. Mendoj se Daniel Day-Lewis ka pasur paraqitjen më të mirë të vitit”, ka thënë Clooney.
George është i nominuar për në filmin “Michael Claytton”, derisa Daniel, është i nominuar për rolin në filmin “There Will Be Blood”.