Minogue qeraset me koktej prej 46 mijë eurosh

Këngëtarja australiane, e cila u emërua Artistja më e mirë ndërkombëtare gjatë ndarjes së të mërkurës të çmimeve Brit Awards, ka fituar edhe një pije të quajtur Flawless, të vlefshme 35.000 funte (mbi 46 mijë euro), nga një adhurues misterioz.
Personi që ka qerasur pijen nuk ka dëshiruar të tregojë emrin, por një burim ka bërë të ditur se: “Ai është person i njohur në rrethet mbretërore”.
Kjo pije e shtrenjtë është e përbërë nga konjaku Louis XII, shampanja Crystal Rose, sheqer bojëkafe, Androstura të hidhur dhe një gjethe e artë e ngrënshme prej 24 karatësh.
Sidoqoftë atraksioni kryesor i saj është unaza e diamantit 11 karatësh e cila gjendet në fund të gotës.
Kur kjo pije shitet, rojet e klubit rrethojnë personin që e pinë atë, derisa pija të konsumohet.