Rovena Stefa ndahet nga i dashuri

Punë, punë dhe vetëm punë. Kjo është motoja e re e Rovena Stefës. Koncerte dhe ftesa pa fund në diasporë, ku dhe ajo është më e preferuar. Këtë herë puna është bërë pikësynimi i saj më tepër se kurrë. Kjo edhe për shkak se ka kaluar një periudhë jo shumë të mirë për sa i përket botës së saj sentimentale, njofton tabloidi Bluetooth.
Sipas këtij tabloidi, bëhet fjalë për përfundimin e një lidhjeje të gjatë dhe që këngëtarja Rovena Stefa ka ditur ta mbajë të fshehtë nga të gjithë. Ish i dashuri i saj është thuajse i panjohur në Shqipëri, por një emër i njohur dhe mjaft i kërkuar në vendin fqinj Maqedoni.
Bëhet fjalë për vëllain e këngëtarit të ri Berkan. I cili në fakt nuk identifikohet absolutisht kështu, pasi ai është një nga parukierët më në zë në Maqedoni. Ai është parukier i Big Mamës, Adrian Gaxhës, e sigurisht edhe i vëllait të tij, Berkanit.
Lidhja e tyre e gjatë ka qenë mjaft e njohur në Maqedoni, por në Shqipëri ka mbërritur vetëm lajmi i ndarjes së saj. Arsyet e ndarjes nuk dihen, por ajo që kuptohet është fakti se Rovena është sërish një femër e lirë…