Gaxha: Pjesëmarrja në Eurovision-kjo është ëndërr

"Nuk di nëse jam në ëndërr", ishin fjalët e këngëtarit Adrian Gaxha, pasi që kënga e tij "Në emër të dashurisë" (Vo imeto na lubovta), të cilën e këndoi në bashkëpunim me Vrçak dhe Tamara, u shpall kënga fituese që do ta përfaqësojë Maqedoninë në festivalin e famshëm të muzikës evropiane, Eurovision.
Pa skandale, pa zënka dhe në një atmosferë shumë të mirë ka kaluar nata e zgjedhjes së këngës, e cila do ta përfaqësojë Maqedoninë në Eurosong. Vendimin për këngën më të mirë e mori edhe juria edhe publiku - sipas të cilëve në Beograd udhëtojnë Adrian Gaxha, Tamara dhe Vrçak.
Kënga me titull “Në emër të dashurisë”, është vepër e Vrçakut, ndërsa treshja do ta këndojë në natën e dytë gjysmëfinale, më 22 maj të këtij viti.
“Ndjenjat do t’i shprehi prapa skene!? Sinqerisht, nuk e di nëse jam duke ëndërruar. Nuk flitet për kthimin e hakut sepse kurrë nuk ndodhë kjo. Unë i kam pasur borxh të madh publikut...”, ka thënë Gaxha pasi ka marrë biletën për festivalin prestigjioz evropian që do të mbahet në Beograd.