Nicole Kidman kritikon mediat

Zëdhënësja e Nicole Kidman ka kundërshtuar lajmin se aktorja shtatzënë ka pirë alkool në prapaskenën e ndarjes së çmimeve Oskar, duke thënë se ylli i filmit nuk do të ishte aq e pakujdesshme.
Në kolumnen e Cindy Adams në gazetën “New York Post” ishte publikuar se aktorja ka pirë verë mbrëmjen e Academy Awards dhe kjo e ka acaruar agjenten e Kidman, Catherine Olim.
“Nicole Kidman nuk ka pirë verë të bardhë dhe asnjë lloj tjetër alkooli në prapaskenë. Ajo ka pirë ujë dhe çaj me limon. Nuk mbaj mend kur për herë të fundit Cindy Adams ka pasur të drejtë. Ajo është një idiote, mund ta citoni këtë që them”, ka thënë Olim.